Draft-propozimi i Shqipërisë për asociacionin, Berisha sulmon Ramën: E ka shkruar tekstin në Beograd, ndërhyrje flagrante në punët e brendshme të Kosovës

Ish-kryeministri Sali Berisha, e ka cilësuar draftin qeverisë shqiptarë për asociacionin e komunave serbe në Veri të Kosovës, si një draft të hartuar në Beograd e më pas të rishkruar në Tiranë. Ai tha se ky akt përbën një ndërhyrje flagrante në punët e brendshme të Kosovës në emër të Beogradit. “Argati i Vuçiçit, në detyrim ekstrem, shpalosi veten si një vasal i shpifur i doktrinarit dhe njërit prej autorëve të gjenocidit serb në Bosnje dhe Kosovë, njeriut që me politikën e tij etno-nacionaliste, politikën e tij të Serbisë së Madhe, është faktor destabilizimi kryesor në Ballkan dhe pas Putinit të Madh edhe në Europë, Aleksandër Vuçiç. Edi Rama me detyrim doli dhe informoi shqiptarët se ka hartuar dhe dorëzuar tekstin e marrëveshjes së Asociacionit të komunave me shumicë serbe në Kosovë. Natyrisht vetëkuptohet se teksti është shkruar në Beograd dhe pastaj rishkruar në Tiranë. Ky akt përbën një ndërhyrje flagrante në punët e brendshme të Kosovës në emër të Beogradit, përbën aktin më të shëmtuar në historinë e marrëdhënieve mes dy vendeve, përbën një akt që nxit dhe nuk qetëson konfliktin, përbën një akt kur Edi Rrama përpiqet të zgjidhë problemin e tij të tmerrshëm me McGonigal, për të cilin e ka vendin në burg në çdo drejtësi të botës”, tha ai. Berisha theksoi se nëse zgjedhjet u bënë dhe ato prodhuan një produkt të votuar nga vetëm 3, 4 apo 5 përqind të etnisë joserbe, sipas tij vetëkuptohet se ky nuk mund të pranohet si një produkt i suksesshëm.“Duke u bërë thirrje autoriteteve të Kosovës, që në procesin e shtensionimit të situatës, të procedojnë në bashkëpunim me KFOR, BE-në dhe SHBA, duke zbatuar atë skedulë për të cilën insiston komuniteti ndërkombëtar. Nuk do dilja sot, por u detyrova kur pashë vasalin e Vuçiçit në këtë histeri antikombëtare. Në rast se zgjedhjet u bënë dhe ato prodhuan një produkt të votuar nga vetëm 3, 4 apo 5 përqind të etnisë joserbe, vetëkuptohet se ky nuk mund të pranohet si një produkt i suksesshëm”, nënvizoi dje Berisha.