Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

"Duhen prova, jo llafe", Ylli Manjani sulmon ashpër Prokurorinë për çështjen e Saimir Tahirit

Postuar: 11/09/2019 - 10:46

Ish ministri i  Drejtësisë, Ylli Manjani ka reaguar për procesin gjyqësor ndaj ish-ministrit Saimir Tahiri. Kujtojmë se dje prokuroria dje kërkoi 12 vite burg për Tahirin.

Përmes një mesazhi në ‘Facebook’ Manjani tha se në gjykatë duhen prova dhe jo emocione turmash dhe deklarime politike. Sipas Manjanit dosja e prokurorisë është shumë e varfër me prova, duke shtuar sipas tij dhe shanset për pafajësi për Tahirin.

Postimi i Manjanit:
Sa më shumë dëgjoj e lexoj në media për çështjen Tahiri, aq më shumë bindem se është një dosje e varfër në prova por e pasur në lajme.
Puna është se në gjykatë duhen prova dhe jo llafe.
Mungesa e provave nga njëra anë dhe ngritja e super akuzave nga ana tjetër, teknikisht (nuk e di nëse është dhe taktikisht) shton shanset për pafajsi.
Herët a vonë akuzat pa prova bien.
Dmth e vetmja gjë që kam kuptuar nga aq sa shkruhet në media është hobby i Sajmirit për lundrimin në det me mjetin e tij dhe, Habilajt janë kushërinjtë e tij.
Të dyja këto elementë Sajmiri u kujdes ti fshihte para publikut por jo para hetimit.
Por ja tani që u zbuluan si lidhet kjo me akuzën e trafikut ndërkombëtar të drogës?!!!
Po me shpërdorimin e detyrës?!

Si është e mundur që nuk qenka hetuar çështja e fikjes së radarëve? Po emaili i policit për prokurorin?!
Pra ka shumë boshllëqe të mëdha hetimi.
E kuptoj fort mirë dëshirën e disave që Sajmiri të dënohet, por ky është emocion, shkumë, dëshirë apo qoftë dhe politikë.

E kuptoj gjithashtu se sjellja politike e vetë Sajmirit ka prodhuar jo pak viktima, që sot kanë të gjithë të drejtë të kërkojnë shpagim.
Por Sajmiri nuk po gjykohet për produktin e punës së tij si ministër.
Gjykimin politik njerëzit e bëjnë me votë, jo me gjykatë.
Në shoqërinë me shtet ligjor duhen PROVA. Kjo vlen si për Sajmirin ashtu edhe për armiqtë e tij. Gjykimet e dënimet e nxitura nga emocione turmash, deklarime politike apo edhe diplomatike janë të PAPRANUESHME!
Duhet të instistojmë gjer në dhimbje që drejtësia të funksionojë ftohtë, e pa ndikuar nga këto emocione dhe pa urdhëra. Ky është i vetmi standard.
Kjo llogjikë duhet pranuar pa kushte, në radhë të parë ndaj atij që nuk e ke qejf.

Përndryshe, rritja e presionit për gjykime në emër të turmës, apo teorisë së të bërit shembull por pa prova, është shumë shumë e rrezikshme.
Me këtë variant i gjithë populli është “i pandehur”. Të gjithë mund të dënohen për inat apo qejf të dikujt tjetër. Por kjo nuk është më shoqëri demokratike!!!
Sa më takon nuk e kam pranuar e refuzoj ta pranoj këtë sjellje tërësisht anti shtet, anti-drejtësi e anti- demokraci.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 16/09/2019 - 23:59

Prej kohësh flitet se Basha është finacuar nga Xhorxh Soros në Universitetin e Uhtretit në Belgjikë.

Postuar: 16/09/2019 - 23:16

Deputeti socialist Alket Hyseni tha se brenda pak javësh do të nisë punën SPAK.

Postuar: 16/09/2019 - 22:55

Kryeministri Edi Rama ka mohuar se do të japë dorëheqjen nëse negociatat me Bashkimin Europian nu

Postuar: 16/09/2019 - 22:40

Kryebashkiaku i Tiranës, Erion Veliaj teksa komentoi procesin e hapjes së negociatave tha se kanc

Postuar: 16/09/2019 - 22:34

Sekretari i Përgjithshëm i PD-së, Gazment Bardhi i ka dalë në "mbrojtje" presidentit Il

Postuar: 16/09/2019 - 22:28

Ish deputeti i PD-së, Ervin Salianji, është përplasur ashpër në debat me botuesin e “Shqipt

Postuar: 16/09/2019 - 22:25

Avokat Spartak Ngjela ka bërë një koment të gjatë në rrjetet sociale për psikologjinë e krimit dh