“Duhet ta pranoni këtë dreqi e mori”/Plas keq në studio, Shabani përplaset me Topallin: I shtruat tapetin Ramës me ndryshimet e vitit 2008

Ish-deputetja e Partisë Demokratike, Jozefina Topalli u përplas me kreun e “Nismës Thurje”, Endri Shabani në “Now me Erla Mëhillin” në një debat për qeverinë Rama.

Sipas Shabanit ka qenë PD-ja ajo parti që i ka shtruar tapetin kryeministrit aktual me ndryshimet e vitit 2008.

Jozefina Topalli u shpreh se Shqipëria nuk vuan për ligje, por për mos zbatimin e ligjeve.

“Po jo vuan dhe për ligje. Zonja Topalli, ndryshimet e 2008-tës kanë shtruar tabanin e autokracisë së Edi Ramës sot. Tani duhet ta pranoni këtë dreqi e mori,’ – u shpreh Shabani.

“Jo nuk e pranoj dot sepse do pranoja që kancelari gjerman është një njeri autokrat se Kushtetuta i jep ato kompetenca,” – ja ktheu Topalli.