Dyfishimi i pagave për deputetët, Anila Denaj: Rritja e rrogës mund të ndodhtë më vonë, u tentua një amendament, por nuk u realizua

Deputetja socialiste, Anila Denaj është shprehur se rritja e pagave për deputetët mund të kishte ndodhur në një fazë të mëvonshme, kur paga mesatare të shkonte 900 euro. Dje, në një intervistë televizive, Denaj ka deklaruar se diskutimi i dyfishimit të pagave nuk vlen, pasi ata folën në qasjen e tyre mbajtjen e të njëjtit kriter të hierarkisë së rrogës. “U tentua një amendament, por nuk u realizua nga ana e aspektit ligjor që kjo rritje të ndodhte ndoshta më vonë, kur e gjitha të ishte konsoliduar këtu jam dakord. Diskutimi i dyfishimit nuk vlen në raport me faktin që deputetët e rritën dyfish për vete. Do i qëndroja logjikës që nëse duhet bërë, duhet bërë kur paga mesatare të shkojë dhe të konfirmohet se është 900 euro, pasi i gjithë ligji në frymë nuk mund të ketë rolin e deputetit vetëm dhe pagën e tij, janë 39 miliardë lekë, ku pjesa e deputetëve është diku tek 1.8 mln euro dhe pjesa tjetër për administratën. Rritja e pagës me 2 procese për administratën konsolidon një proces. U tentua një amendament, por nuk u realizua nga ana e aspektit ligjor që kjo rritje të ndodhte ndoshta më vonë, kur e gjitha të ishte konsoliduar këtu jam dakord”, deklaroi ai. Më tej Denaj ka komentuar arrestimin e kryebashkiakut të zgjedhur në zgjedhjet lokale të 14 majit në Himarë, Fredi Belerit ku tha se nëse ky i fundit ka shkelur ligjin dhe vërtetohen akuzat për blerje votash atëherë ai duhet të dënohet.“Himara nuk është zonë minoritare, por Shqipëri. Individët që vijnë nga forcat politike mund të jenë përfaqësues të minoritetit dhe përballen me ligjin kur kanë procese të jashtëligjshme. Nëse Beleri është kapur në flagrancë dhe vërtetohet, ka shkelur ligjin. Nuk lidhet nëse është kryetar i zgjedhur me votë, por shkelja e ligjit do dënonte njësoj si qytetar i thjeshtë dhe kryebashkiakët. Arrestimi sipas opozitës është politik, por ka pasur reagime dhe nga Greqia. A lidhet ky arrestim me prapavijë politike? Ne të gjithë duhet të presim SPAK të flasë, nuk dua të bëj mbrojtje dhe ti përgjigjem opozitës. Do flas pasi të reagojnë organet kompetente, të njëjtën gjë duhet të bënin dhe palët”, nënvizoi Denaj.