E rëndë/ Shuhet pedagogu i njohur, Olta Xhaçka jep lajmin e hidhur dhe prek me mesazhin e ndjerë: Trishtim e dhimbje pas lajmit për largimin nga jeta të profesor të dashur

Ish ministrja e Mbrojtjes, Olta Xhaçka, ka ndarë në rrjetin social një lajm të hidhur për ndarjen nga jeta të pedagogut të Akademisë së Forcave të Armatosura, Agim Sulaj.

Xhaçka i shpreh ngushëllimet e sinqerta familjes, miqëve dhe të afërmve të tij. Xhaçka thekson se Sulaj me shumë përkushtim kontribuoi në përgatitjen e brezave të tërë ushtarakësh dhe punoi më shumë profesionalizëm.

Mesazhi i Xhaçkës:

Trishtim e dhimbje pas lajmit për largimin nga jeta të profesor Agim Sulaj, një prej pedagogëve më të vjetër dhe më të vlerësuar të Akademisë së Forcave të Armatosura. Pata nderin të punoj me të, për një prej projekteve që ai kishte aq shumë përzemër: akreditimin e AFA si i vetmi institucion i arsimit të lartë për mbrojtjen dhe sigurinë në vend.
Mirënjohje e nderim për pedagogun, që me shumë përkushtim kontribuoi në përgatitjen e brezave të tërë ushtarakësh dhe punoi më shumë profesionalizëm, për atë që Akademia e Forcave të Armatosura është sot.
Ngushëllimet më të sinqerta familjes, miqve e kolegëve!
#FaleminderitPërShërbimin