Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet
Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë
Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...
Edi Rama i jep goditjen finale LSI, shkrihen 13 drejtoritë e bujqësisë, qindra militantë rrezikojnë vendet e punës
Shkruar nga SOT.COM.AL 14 Mars 2018
Kryeministri Edi Rama i ka dhënë ditën e djeshme goditjen finale Lëvizjes Socialiste për Integrim. Teksa u duk se qeveria e ndali shkarkimin e militantëve të partisë së Ilir Metës nga administrata publike, dje ka rinisur puna për rrudhjen dhe largimin e punonjësve nga zyrat e shtetit. Dje qeveria u mblodh në Elbasan dhe u vendos të shkrihen drejtoritë bujqësore dhe njëherësh u ngritën 4 agjenci rajonale. Rama duke folur për këtë vendim deklaroi se është në kuadër të premtimit për reformimin e administratës. “Kemi marrë vendimin për të finalizuar reformimin e strukturës së vjetër dhe të degraduar të drejtorive të bujqësisë. Nga sot nuk do të kemi më drejtori të bujqësisë dhe kalojmë nga 13 drejtori bujqësie”, deklaroi ai. Gjithashtu, shefi i ekzekutivit shprehu bindjen se këto agjenci do të sjellin një vlerë të shtuar dhe një proces që do të përmirësojë në vazhdimësi sigurinë ushqimore. “Ne do forcojmë agjencinë për zhvillim rural më shumë, do krijojmë instrument real në duart e atyre që kanë nevojë për garanci nga pikëpamja veterinare. Këto agjenci do sjellin një vlerë të shtuar, jemi të vendosur të garantojmë në tërësi të gjithë zinxhirin që e përbën këtë sektor jetik për vendin, këtë motor kaq potencial ende të pashfrytëzuar si duhet”, theksoi Rama. Mirëpo, pas këtij vendimi në të gjithë territorin e vendit do të nisin largimet e punonjësve, ku sipas një përllogaritje janë rreth qindra persona, të cilëve iu rrezikohet puna. Megjithatë, ndryshe nga sa ka ndodhur më parë, interesant është fakti se të gjitha këto drejtori rajonale që drejtoheshin nga LSI, jo vetëm që do shkrihen por si rrjedhojë do ngelen pa punë edhe qindra punonjës, që kryesisht janë militantë partiak të partisë së Kryemadhit. Pra përmes kësaj lëvizje, kryeministri Edi Rama duket se po i jep goditjen finale LSI, ku nga njëra anë i heq njerëzit nga puna dhe nga ana tjetër e dobëson si parti, pasi jemi në vigjilje të një viti elektorale dhe kjo parti e ka ngritur identitetin e saj pikërisht mbi bazë punësimesh dhe premtimesh.
Ngrihen 4 agjenci rajonale
Sipas vendimit të qeverisë, shkrihen të gjitha drejtoritë e bujqësisë dhe do të jenë vetëm 4 drejtori në 4 rajonet kryesore të vendit që do të marrin në dorë nxitjen e bujqësisë. Në vendim thuhet se agjencitë do të jenë në Shkodër, Tiranë, Lushnje dhe Korçë. Agjencitë do të financohen nga buxheti i shtetit. “Këshilli i Ministrave vendosi: Krijimin e agjencive rajonale të ekstensionit bujqësor si persona juridikë publikë, në varësi të ministrisë përgjegjëse për bujqësinë, me seli në Shkodër, Tiranë, Lushnje dhe Korçë. Agjencitë rajonale të ekstensionit bujqësor financohen nga buxheti i shtetit, i miratuar për ministrinë përgjegjëse. Agjencitë rajonale të ekstensionit bujqësor (AREB) e shtrijnë veprimtarinë e tyre, si më poshtë vijon: AREB-ja Shkodër përfshin qarqet Lezhë, Shkodër dhe Kukës; AREB-ja Tiranë përfshin qarqet Durrës, Tiranë dhe Dibër; AREB-ja Lushnjë përfshin qarqet Fier, Vlorë dhe Gjirokastër; AREB-ja Korçë përfshin qarqet Korçë, Elbasan dhe Berat”, thuhet në vendim. Po ashtu, në vendim e Këshillit të Ministrave bëhet e ditur se ndryshe nga 13 drejtoritë që u shkrinë, agjencitë e reja kanë si qëllim kryesor zhvillimin rrënjësor të bujqësisë. “Agjencitë rajonale të ekstensionit bujqësor kanë si mision të tyre të bëhen faktorë kryesorë në zhvillimin e sektorit bujqësor konkurrues dhe të qëndrueshëm në vend, duke punuar në partneritet afatgjatë me përfituesit”, thuhet në vendimin e Këshillit të Ministrave./Rigels SELIMAN