Edi Rama "u fshihet" televizioneve! Anulon papritur intervistën me Ilva Taren, sot nuk shfaqet në media

Kryeministri Edi Rama ka anuluar në mënyrë të papritur një intervistë të paralajmëruar prej disa ditësh për gazetaren Ilva Tare në Ora News. Kreu i qeverisë ka dhënë si shpjegim çështje të axhendës, por gjatë ditës së mërkurë kreu i qeverisë nuk është shfaqur në TV nga mëngjesi në mbrëmje.

 

Në këtë mënyrë kuptohet se anulimi i intervistës së parashikuar për të mërkurën në mbrëmje ka qenë i papritur për stafin. Vetë gazetarja Tare ka njoftuar shtyrjen e intervistës me kryeministrin për një tjetër datë. 

 

“Sonte do të diskutojmë në një panel me ministren Harito për ligjin që moderon komentet online. Dërgoni komentet tuaja pro apo kundër ligjit... Intervista me Kryeministrin Rama do të shtyhet të mërkurën, datë 30 mars për shkak të axhendës së tij”, shkruan gazetarja.