“Erdogan e do me çdo kusht miqësinë me Shqipërinë”, Spartak Ngjela zbulon arsyen dhe plas deklaratën e fortë: A do e lejojë Rama këtë?

Avokat Spartak Ngjela komentoi sot në emisionin ‘Pikat mbi i’, vizitën e presidentit turk Erdogan dhe investimet e tij në vendin tonë. Avokat Ngjela tha se Shqipëria nuk ka infrastrukturën e duhur për të bërë investime të mëdha.

Ngjela: Në këtë marrëdhënie të re , të miqësisë me Erdogan unë e kam goditur Ramën deri para 20 ditësh sepse nuk është shumë pro politikës amerikane. Nuk është çudi që mund ta ketë në influencën e Uashingtonit, por miqësia shqiptare –turke ekziston objektivisht , do apo jo politika. Erdogan e do me ço kusht miqësinë me Shqipërinë. Por politika është interes.

Ngjela: Unë nuk përjashtoj një kryeministër që të bëjë politikë kundrejt votimit. Ai është në votim, ai këtë e bën për vota dhe ka të drejtë sepse kështu është politika. Por a do të jetë Rama i aftë të lejojë hapjen e shkollave turke në Shqipëri? Kryeministri shqiptar meqë ka një rritje të kapitalit turk në Turqi do të kërkojë hapjen e shkollave shqipe në Turqi dhe nëse e kërkon a do e pranojë Erdogan? Nuk mundet. Asnjë kryetar shteti , asnjë kryeministër shqiptar apo sistem politik nuk është shprehur, veçse për miqësi të madhe. Gjithë politika shqiptare e ka pranuar këtë dhe Rama nuk ka si del jashtë precedentit dhe precedentin e kanë hapur të tjerët. Por në momentet që ka pasur një shtet laik, ka dalë një kryeministër i cili ka karakter fetar…Ne na konvenon që na ndihmoi në një moment të vështirë, pa interes nuk ka ndihmuar, unë thash është për vota, por nëse e ka në natyrë, bravo i qoftë. Edhe investimet turke në Serbi varen nga kapitali, Shqipëria nuk ka infrastrukturë për investime të mëdha, këtu nuk ka projekte. Edhe ato që ishin këta i kanë shkatërruar.