Erjon Braçe nxori videon nga Shkodra që po thyen rrjetin, reagon menjëherë zv.ministri i Shëndetësisë: Rasti po hetohet nga policia

Zv.kryeministri Erjon Braçe ka publikuar në profilin e tij në Instagram një video të disa qytetarëve që po ndjekin një ndeshje futbolli në një lokal.

Zv.ministri i Shëndetësisë Albert Nikolla tha se ky rast ka ndodhur në Shkodër dhe policia ka bërë hetimet e duhura për të ndëshkuar qytetarët sipas ligjit. Edhe për ish kreun e ISHP-së, Besnik Jakaj, ky rast ishte një papërgjegjshmëri e madhe dhe se organet kompetente duhet të zbatojnë ligjin.

"Këtë rast po e ndjek policia, dhe është rasti i njëjtë me festën e ditëlindjes. ligji nuk është vetëm dhunë e policisë por dhe përgjegjshmëri dhe kulturë. Ky rast ka ndodhur në SHkodër dhe po hetohet nga policia, ndoshta dhe janë ndëshkuar nuk di të them me saktësi", tha Nikolla për Report Tv.