BREAKING NEWS

Avokati shqiptar arrestohet për trafik ndërkombëtar droge, Rumania kërkesë urgjente Prokurorisë së Tiranës (EMRI)

Avokati shqiptar arrestohet për trafik ndërkombëtar droge,
x

Politike

Etilda Gjonaj: Fuqizojmë sistemin teknologjik në burgje, bllokojmë valët celulare për të përmirësuar sigurinë

Etilda Gjonaj: Fuqizojmë sistemin teknologjik në burgje,

Ministrja e Drejtësisë, Etilda Gjonaj e ndali vëmendjen e saj ditën e djeshme tek sistemi penitenciar. Përmes një postimi në rrjetet sociale, Gjonaj deklaroi se mazhoranca ka vendosur që të fuqizojë sistemin teknologjik në burgje me qëllim që të rritet siguria. Sipas saj, përmes punëve të bëra deri tani është bërë e mundur prekja e rezultateve pozitive. “Përmes investimeve që kemi kryer për fuqizimin e sistemit teknologjik në institucionet penitenciare në vend, kemi arritur rezultate pozitive sa i përket monitorimit, organizimit dhe mirëfunksionimit të brendshëm. Këto mjete bashkëkohore që menduam t’i implementojnë në ambientet e burgjeve, kanë përmirësuar ndjeshëm kontrollin për elementët e sigurisë, sendet e ndaluara, kushtet e jetesë, kryerjen e shërbimeve, takimet me vizitorët, zbardhjen korrekte të ngjarjeve, zbatimin e orarit ditor, veprimtarinë e efektivëve të policisë, gatishmërinë e stafit dhe një sërë verifikimesh në përputhje me të gjitha të drejtat që i takojnë ligjërisht atyre që vuajnë dënimin”, deklaroi ministrja e Drejtësisë. Ajo përmendi rastet e burgut “Jordan Misja” dhe të “Peqinit” si shembuj që reflektojnë punën e bërë nga qeveria për të përmirësuar sigurinë në burgje. Sipas Gjonajt, sistemi i ri i instaluar ka bllokuar valët e telefonisë celulare dhe kjo do të instalohet në çdo burg tjetër. “Ndërkohë, shembulli me IEVP-të “Jordan Misja” dhe “Peqin” ku përmes instalimit të një sistemi të ri mundëm të bllokojmë valët e telefonisë celulare ne ambientet e brendshme, do të ndiqet hap pas hapi me të gjitha burgjet e tjera për të shmangur çdo tentativë për të komunikuar me botën e jashtme. Edhe pse mundëm që t’i mbulojmë të gjitha IEVP-të me sistemin e monitorimit me kamera 24 orë, sistem skanerësh, sistem radio dhe sistem telefonik, sërish rritja më tej e sigurisë elektronike është një nga prioritetet të cilën do përpiqemi për ta shndërruar në një mekanizëm të pathyeshëm në të gjitha institucionet”, u shpreh Etilda Gjonaj.