BREAKING NEWS

Atentat në orët e para të mëngjesit/ Vdes në spital personi që u qëllua me silenciator dhe u gjet i shtrirë në mes të rrugës pranë Piramidës

Atentat në orët e para të mëngjesit/ Vdes në spital
x

Politike

“Eurodeputeti në përgjimet e bujshme të antimafias, mik i ngushtë i Bashës”/ Tabaku i përgjigjet 'flakë për flakë' Ballës: Korrupsion galopant i udhëhequr nga...

“Eurodeputeti në përgjimet e bujshme të antimafias, mik i

Gjatë një prononcimi për mediat, Taulant Balla, reagoi në lidhje me përgjimet e bujshme në Itali, ku janë përmendur edhe politikanë shqiptarë, si dhe vetë Presidenti i vendit, Ilir Meta.

Balla u shpreh se eurodeputeti Lorenzo Cesa, emri i të cilit ka dalë në përgjimet e antimafias italiane, “është mik i kryetarit të opozitës Lulzim Basha”, ndaj për këtë çështje ai ka theksuar se duhet të pyetet lideri i PD-së.

“Shkoni pyeteni Lulzimin, e ka pasur në zyrë, e ka takuar dhe në Bruksel e Romë. Mund t’jua sqarojë”, u shpreh Balla, i cili tha se reagimi i SPAK është një shenjë e mirë dhe kërkoi që çështja të hetohet deri në fund.

I menjëhershëm ka qenë reagimi i ish deputetes së Partisë Demokratike, Jorida Tabaku, ku iu ka përgjigjur kryetarit të grupit parlamentar të PS-së, në lidhje me përgjimet e antinmafias italiane, janë “përpjekje patetike që nuk do të funksionojë”.

Në një deklaratë për mediat nga selia blu, Tabaku tha se “në 25 Prill historia e një qeverie që punon për 20%-shin e mafias dhe të korrupsionit do të marrë fund”.

Përpjekja patetike nga Taulant Balla nuk do të funksionojë. Kjo është ajo që ata bëjnë.

o Ata dështojnë.
o Ata korruptojnë.
o Ata marrin paratë tuaja dhe i fusin në xhepat e tyre.

Në 25 Prill historia e një qeverie që punon për 20%-shin e mafias dhe të korrupsionit do të marrë fund“, deklaroi Tabaku.

DEKLARATË E PARTISË DEMOKRATIKE, JORIDA TABAKU

Këtë javë doli në dritë një korrupsion në shkallë të gjerë në Shqipëri. Korrupsion galopant i udhëhequr nga mafia dhe i ushtruar me miratimin e Erion Veliajt dhe Edi Ramës.

Janë 1000 faqe përgjime të antimafias italiane, ku përshkruhet mënyra sesi bëhen pazaret për tenderat, koncesionet, PPP-të dhe ndërtimet në Shqipëri. 20%-shi është pjesa për pushtetin e Edi Ramës, dëshmi e gjallë e asaj që po ndodh në Shqipëri prej 8 vjetësh.

Edi Rama hesht. Kukulla e tij në bashkinë e Tiranës ka mbyllur gojën.

Arsyeja pse Rama nuk flet dhe Veliaj po shmang përgjigjet e vërteta dhe po justifikohet është e qartë për të gjithë. Ata e dinë se sa thellë janë futur në këtë biznes me mafian.

Ndërkohë që Rama dhe Veliaj janë të fokusuar në punët e tyre të pista me mafian, shqiptarët janë gjithnjë e më shumë të papunë, investitorët seriozë largohen, ekonomia e pjesës dërrmuese të familjeve shkon drejt rrënimit, mijëra të rinj e të rinj largohen nga vendi.

Kundrejt rryshfetit 20%, Edi Rama dhe kukulla e tij në bashki e kanë shndërruar vendin në një parajsë për pastrimin e parave, duke dhunuar ligjin dhe duke shkatërruar konkurencën.

Përgjimet e antimafias italiane janë një provë më shumë se Rama dhe njerëzit e tij shqetësohen vetëm për veten dhe jo për popullin shqiptar.

• Ata po trefishojnë pasurinë e tyre, ndërsa ekonomia shqiptare po kolapson.
• Ata bëjnë biznes me mafian në vend që të krijojnë vende pune për qytetarët.
• Ata hanë darka luksoze në Dubai, kur vendi është i përmbytur.

Mafia dhe pastrimi i parave nuk sjell vende pune, nuk prodhon mirëqenie, nuk ofron investime reale dhe të besueshme për ekonominë dhe qytetarët.

Mafia dhe lavatriçja e parave të pista prodhon vetëm shkatërrim, dhe mjerim për çdo familje që jeton me punë të ndershme.

Këto 8 vjet të Edi Ramës në pushtet na kanë mësuar një gjë: Se kjo është një qeveri që kujdeset vetëm për vete dhe paratë e saj.

Vëmendja dhe synimi i kësaj qeverie dhe i këtij kryeministri nuk është barazia apo konkurenca, por korrupsioni dhe monopoli.

Përpjekja patetike nga Taulant Balla nuk do të funksionojë. Kjo është ajo që ata bëjnë.

o Ata dështojnë.
o Ata korruptojnë.
o Ata marrin paratë tuaja dhe i fusin në xhepat e tyre.

Në 25 Prill historia e një qeverie që punon për 20%-shin e mafias dhe të korrupsionit do të marrë fund.

* Ne do të sjellim ndryshimin!
* Ne do të shpëtojmë vendin nga mafia, nga Rama, nga kukulla e tij në Bashkinë e Tiranës dhe nga miqtë e tyre.
* Ne do të ndërtojmë një qeveri që kujdeset për qytetarët e Shqipërisë.

Më të lexuarat