BREAKING NEWS

“Do të vëmë bombën kudo që të jesh"/ Kërcënohet me jetë drejtori i Përgjithshëm i Burgjeve, Prokuroria e Tiranës vihet menjëherë në lëvizje, zbardhet SMS-ja e rëndë

“Do të vëmë bombën kudo që të jesh"/
x

Politike

Fatos Klosi dhe Petro Koçi: DASH goditje nën brez armiqve të reformës në drejtësi, Meta-Berisha dyshja më e shqetësuar

Fatos Klosi dhe Petro Koçi: DASH goditje nën brez armiqve të

Ish-kreu i Shërbimit Informativ Shtetëror, Fatos Klosi dhe zv/ministri i Mbrojtjes, Petro Koçi e cilësojnë vlerësimin e Departamentit Amerikan të Shtetit për Ardian Dvoranin si një mesazh të fortë për armiqtë e reformës në drejtësi. Dy ditë më parë Ardian Dvorani renditej në mesin e 12 personaliteteve që kanë marrë çmim ndërkombëtar të kampionëve antikorrupsion të dhëna nga Sekretari Amerikan i Shtetit, Antony Blinken. Por gjatë një prononcimi për gazetën “SOT”, zoti Klosi u shpreh se përmes këtij titulli akorduar ndaj Dvoranit, sipas tij, DASH i dha një goditje nën brez armiqve të reformës në drejtësi. Madje, ish-kreu i SHISH theksoi se amerikanët në këtë rast kanë vrarë me një gur dy zogj, pasi siç nënvizoi ai, Meta-Berisha janë dyshja më e shqetësuar, sepse u vlerësua gjyqtari që është sulmuar më shumë nga presidenti dhe ish-kryeministri. “Për mendimin tim vlerësimin e Departamentit Amerikan të Shtetit për ish-kreun e KED, Ardian Dvorani, i cili u rendit mes 12 kampionëve Kundër Korrupsionit, të përkushtuar ndaj transparencës dhe llogaridhënie, e konsideroj si shumë të drejtë. Gjyqtari Dvorani ka qenë një ndër personat kyç të reformë në drejtësi dhe një ndër personat më të atakuar dhe sulmuar politikisht. Kështu që ky vlerësim i DASH është një mesazh dhe goditje nën breza për të gjithë armiqtë e Dvoranit, reformës në drejtësi dhe të korruptuarave. Pra, fakti që amerikanët po e vlerësojnë  Dvoranin, tregon se ky i fundit nuk ka bërë shumë gabime siç pretendonte Berisha, presidentit, etj”, deklaroi ai për gazetën “SOT”.

Klosi: SHBA-të janë në dijeni të presioneve

Më tej gjatë reagimit të tij, ish-kreu i Shërbimit Informativ Shtetëror, Fatos Klosi komentoi edhe faktin që Departamentin Amerikan i Shtetit e ka cilësuar Ardian Dvoranin si gjyqtar që iu ka bërë ballë presioneve politike, ndërsa theksoi se amerikanë dinë shumë gjëra për Shqipërinë. “Sa i takon nënvizimit që Departamenti Amerikan i Shtetit në vlerësimin që i bën Ardian Dvoranit, e cilëson si kampion të luftës kundër korrupsionit dhe gjyqtar që nuk u tundua apo zmbraps para presioneve politike është një mesazh tejet i fortë. Në dijeninë time Shtetet e Bashkuara të Amerikës dinë shumëçka për Shqipërinë. Madje, DASH di edhe presionet politike që iu bëhen gjyqtarëve dhe prokurorëve, ndërkohë që unë dhe ti nuk i dimë”, nënvizoi ish-kreu i SHISH, Fatos Klosi për gazetën “SOT”.

Koçi: Meta, kampion i korrupsionit

Por në të njëjtën linjë me ish-kreun e SHISH, Fatos Klosi është rreshtuar ditën e djeshme edhe zv/ministri i Mbrojtjes, Petro Koçi. Ky i fundit gjatë një prononcimi për gazetën “SOT”, e cilësoi vlerësimin e Departamentit Amerikan të Shtetit për Ardian Dvoranin, si një grusht të fortë për presidentin Ilir Meta. Sipas zotit Koçi, presidenti Meta është kampion i korrupsionit dhe kapjes së shtetit. “Shtetet e Bashkuara të Amerikës me shpalljen e Ardian Dvoranit kampion të luftës kundër korrupsionit, i ka dhënë një grusht të fortë turinjve kampionit të korrupsionit dhe kapjes se shtetit, presidentit Ilir Meta. Por edhe babait shpirtëror të tij, Sali Berisha. Me ketë akt lufta kundër korrupsionit dhe kundër kapjes së shtetit ka marre oksigjen të ri, shprese të re dhe natyrisht besim të ri. Qytetarët kanë marrë mesazhin e qartë politik se duhet të mos mbështesin kurrë simbolet publike të korrupsionit dhe krimit, si Presidenti Meta dhe ish-kryeministri Berisha”, deklaroi zv/ministri i Mbrojtjes, Petro Koçi për gazetën “SOT”.

Më të lexuarat