BREAKING NEWS

Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...

Gati të fundoset grupi organizator i biznesit të armëve në
x
BREAKING NEWS

Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’

Daut Gumeni: Ja pse socialistët dhe Gentiana Sula bllokuan hapjen e dosjes
x
BREAKING NEWS

Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi

Plas skandali, Kuvendi i Shqipërisë vihet nën akuzë për
x
BREAKING NEWS

Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...

Pasuria e dyshimtë e “sheikut” të Kuvendit Laert Duraj
x
BREAKING NEWS

Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK

Ja pazaret e PS dhe Rithemelimit, si po mbrojnë korrupsionin e Klodian
x
BREAKING NEWS

Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet

Rama-Berisha ngrenë komision për të shkatërruar SPAK dhe
x
BREAKING NEWS

Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë

Plas skandali i Portit të Vlorës, ja si iu falën Samir Manes 57
x
BREAKING NEWS

Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...

Gazetarja e njohur paralajmëron arrestime të bujshme në
x

Politike

Fatos Klosi: Meta politikan i korruptuar, është bërë bashkë me Saliun pasi synon të marrë drejtimin e opozitës, SHBA ka prova përvëluese për Berishën

Fatos Klosi: Meta politikan i korruptuar, është bërë

Ish-kreu i Shërbimit Informativ Shtetëror, Fatos Klosi ka komentuar lajmin e publikuar pak ditë më parë nga gazeta austriake, “Kronen Zeitung”, e cila ka denoncuar një skandal të madh financiar, në të cilën është përfshirë presidenti Ilir Meta, ndërkohë që ka folur edhe për ish-kryeministrin Sali Berisha dhe rikthimin e tij në krye të Partisë Demorkatike. Media në fjalë ka shkruar për një aferë 700.000$ të presidentit shqiptar me kompaninë offshore, ku sipas gazetës austriake, Meta pagoi 700,000 mijë dollarë për lobim përmes një kompanie qipriote guaskë, që të siguronte një foto në ceremoninë e inaugurimit të Presidentit Amerikan Donald Trump. Por zoti Klosi gjatë një interviste për gazetën “SOT”, u shpreh se lajmi i gazetës austriake ka të vërteta, pasi Austria është vend serioz dhe sipas tij, përpara se gazetari të publikojë një fakt, ai verifikon burimin, duke lënë të nënkuptohet se Meta është përfshirë në këtë aferë.

 

-Zoti Klosi, pak ditë më parë një gazetë austriake ka bërë një shkrim në të cilin është deklaruar se presidenti Ilir Meta kishte lobuar me 700.000 dollarë për të qenë pjesë në inaugurimin e ish-presidentit amerikan Donald Trump. Ndërsa, presidenti Ilir Meta e ka cilësuar shkrimin si mashtrim dhe ka paralajmëruar se do ngrejë padi. Si e komentoni?

Nëse kjo është e vërtetë për mua është e rëndë, është e turpshme që të paguash para për të shkuar atje sepse kë do që të gënjesh, popullin tënd. Se di pse gazeta austriake ka pas kaq vitesh që ai është në krye të Presidencës dhe po ashtu ka qenë edhe kryetar i Parlamentit e ka trajtuar këtë problem. Meta ka qenë si kryetar i Parlamentit i ftuar andej ka të drejtë që të kërkojë të drejtësinë e tij, por ajo është një ndër gazetat më të mëdha austriake dhe se do të ishte absurde që një gazetë të merrej me presidentin e Shqipërisë edhe sikur të ketë sajuar. Besoj se gazeta të tilla në të tilla nivele, i verifikojnë lajmet që shkruajnë para se ti botojnë aq më tepër që është një lajm denigrues për presidentin e një vendi. Nuk është se po flitet për një biznesmen, por për presidentin e një vendi, ne me Austrinë konsiderohemi vende miq.    

-Presidenti Ilir Meta ka deklaruar se pasi të largohet nga posti i president ndërkombëtarët të cilët i dalin kundër do ti pres me armë. Si e komentoni këto deklarata të tijat?

Këto janë deklarata boshe. Ilir Meta ka bërë disa deklarata absurde me ndërkombëtarët nuk e di cilat ishin motivet që e shtyn, por them edhe kjo që më pyesni ju është në këtë kuadër. Unë kam qenë i afërt me të dhe në kryesinë e LSI dhe nuk ka qenë kështu. Besoj se ndërkombëtarët duan vetëm një gjë për vendin tonë, që të jetë një vend i qetë dhe të mos ketë korrupsion.

-Mendoni se pas largimit nga posti i presidenti pasi i mbaron mandati në korrik të këtij viti, presidenti Ilir Meta do të ketë një bashkëpunim në politik me ish-kryeministrin Sali Berisha?

Dëgjova edhe një deklaratë të tij këto ditë që do përpiqet që të luftojë regjimin që është në vend, ndërsa të njëjtën gjë e ka thënë edhe ish-kryeministri Sali Berisha, kështu që kjo nënkupton se edhe mund të ketë. Ai e ka pak jo të lehtë që ta thotë hapur se do të ketë një bashkëpunim me Berishën. Ai ka bashkëpunuar me Berishën në fakt, kujtojë këtu zgjedhjet e fundit të pjesshme lokale në vend që u zhvilluan pak kohë më parë, ku Meta bëri që të marr pjesë në votime sepse ai nuk kishte të drejtë. Kështu që unë nuk çuditem me asgjë. E dimë prej kohësh që ai ka dashur që të marr drejtimin e opozitës  

- Si i shihni zgjedhjet për kreun e ri të Partisë Demokratike që u zhvilluan pak ditë më parë dhe zgjedhjen e në krye të asaj partie të ish-kryeministrit Sali Berisha?

Berisha nuk është rikthyer tamam në Partinë Demokratike. Ai është kthyer në politikë me votimin që bëri dhe një pjesë e simpatizantëve të Partisë Demokratike votuan për të, të paktën kështu u deklarua se votuan rreth 40 mijë vetë, por ky është një numër i vogël krahasuar me popullin shqiptar. Unë e kamë thënë edhe më parë se militantët ia dinë për nder Berishës sepse ai e krijoi atë parti dhe e udhëhoqi për disa vite, por mendoj se me këto që ndodhën brenda Partisë Demokratike, ajo pjesa gri e votuesve votojnë për njërën apo tjetrën parti nuk votojnë Partinë Demokratike, sidomos me thirrjet që bënë Berisha. Berisha me rikthimin e vet ndjell frikë në radhët e votuesve, kur tre herë radhazi vota i është dhënë Partia Demokratike, mbase nuk ka pasur edhe kundërshtar të zotë nga Partia Demokratike. Dy rastet që ka pasur nuk ka qenë fitore të mirëfillta, nuk kemi ndonjë kujtim të mirë nga qeverisja e Partisë Demokratike, ata kanë pas shkaktuar vetëm sherre nëpër rrugë. Partia Demokratike nuk do ta  bëjnë dot për vete pjesën gri që është e madhe dhe atyre mund tu duhet. Kështu që rikthimi i Berishës për mua është kthim pas.

- Mendoni se amerikanët kanë fakte për ish-kryeministrin Sali Berisha?

Nuk besoj se ata e kanë bërë pa prova sepse akti që është shpallur është një akt që është kryer nga administrata amerikane dhe si i tillë nuk mësoj se është deklaruar pa fakte dhe nuk besoj se amerikanët duan që të bëjnë kot armiq dhe të mos nxjerrin fakte kur shpalli një kat të tillë. Besoj se ata nuk duan që në këtë vend që e konsiderojnë mik nuk duan që të ketë njerëz të cilët abuzojnë. Ata kanë thënë se ai është i korruptuar në përmasa të mëdha.    

-Ish-kryeministri Sali Berisha ka shtuar sulmet ditët e fundit ndaj ambasadores amerikane Yuri Kim. Si i komentoni deklaratat e tij?

Ambasadorja Yuri Kim, është ambasadore e Shteteve të Bashkuara të Amerikës dhe nënëpunëse e shtetit amerikan dhe natyrisht që përfaqëson Amerikën dhe thotë ato që i kanë thënë që duhet të thotë dhe kjo duhet që të jetë detyra e çdo ambasadori dhe mendoj se secili shtet në botë do të shikonte që ambasadori i tij nuk flet duke treguar opinionet e shtetit, por flet duke treguar opinion e tij nëse i ka ato të ndryshme nga shteti, do ta tërhiqte menjëherë, nuk mendoj se kjo ndodh, aq më tepër një shtet si Shtetet e Bashkuara të Amerikës që fjala e tyre në çdo shtet të botës merr një rëndësi të veçantë. Nuk tolerojnë gjëra të tilla dhe që të lejojnë një ambasador që të thotë gjëra për të cilat ata janë dakord, por Berishës i duhet që të mbrohet dhe është duke përdor të gjitha mundësitë për tu mbrojtur. Ai filloi me atë gjyqin e famshëm që do të bënte në Francë dhe për të cilin nuk po dëgjojmë asgjë, thjesht e bëri për të treguar se ai s’ka frikë, nuk ka bërë asgjë dhe se ai mund ta fitoj atë gjyq. Ka shumë njerëz që edhe sot i besojnë atij, që e kanë pasur drejtues në Partinë Demokratike dhe  kanë pasur kryeministër dhe president të vendit dhe besojnë tek ai, pikërisht me ata ai e ka më shumë problemin. Fakti që ai u shpall non grata nga Shtetet e Bashkuara të Amerikës është një problem shumë i madh edhe për militant e tij dhe do që ti jap atyre mesazhin shikoni se është një lojë e Ramës e Sorosit dhe e Amerikës.

-Mendoni se ish-kryeministri Sali Berisha duhet të hetohet nga SPAK duke qenë se është shpallur “non grata” nga Shtetet e Bashkuara të Amerikës?

Unë mendoj se po. Duhet që ta trajtojnë, pastaj arrijnë që të gjejnë prova apo nuk arrijnë që të gjejnë prova për të hapur një proces është tjetër gjë pastaj. Duhet që të kërkojnë ndihmë gjithandej megjithëse për mua ka prova plot, por që është detyra dhe përgjegjësia e tyre. Unë jam i sigurt që shpallja e Berishës non grata nuk është bërë pa prova dhe nuk është bërë pa argumente dhe është detyra e SPAK që ti gjej këto prova por të gjeje edhe prova të tjera të cilat nuk i kanë Shtetet e Bashkuara të Amerikës sepse ne e njohim më mirë se ata. Mjafton që SPAK të merret më “21 janarin” se pse u vranë ata njerëz në Bulevard dhe do dal që urdhrin vetëm ai mund ta jepte, sepse ushtarakët e dinë që arma përdoret për vetëmbrojtje ose kur cenohen interesa të mëdha është dashur një urdhër shumë i lart dhe jam i sigurt që e ka dhënë Berisha, sepse Basha nuk guxon me dhënë urdhra të tilla sepse ai ministër i Brendshëm ishte. SPAK e ka detyrë që të sqarojë pozicionin e Berishës Shtetet e Bashkuara të Amerikës e dha një indicie. Nëse SPAK do të kërkonte informacione mendoj se do të jepnin informacione.

Intervistoi: Sidorela Braçja

Më të lexuarat