Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Fatos Klosi: Strehimi i muxhahedinëve akt i dyshimtë, të gjitha vendet e Europës i refuzojnë si persona të akuzuar për terrorizëm

Fatos Klosi: Strehimi i muxhahedinëve akt i dyshimtë, të gjitha vendet e Europës i refuzojnë si persona të akuzuar për terrorizëm

Postuar: 15/02/2016 - 07:45

Ish-kreu i Shërbimit Informativ Shtetëror, Fatos Klosi, e sheh me dyshim marrëveshjen e përfolur të qeverisë shqiptare për strehimin e një grupi të madh muxhahedinësh iranianë në Shqipëri. I pyetur rreth pasojave që mund të ketë ky vendim mbi sigurinë e Shqipërisë dhe Rajonit, Klosi tha se fakti që të gjitha vendet refuzojnë t’i strehojnë muxhahedinët, ky nuk është një vendim pozitiv që po ndërmerr qeveria shqiptare. “Përderisa nuk i strehojnë në një vend tjetër, nuk janë pa gjë. Pra, mund të përbëjnë rrezik për vendin dhe Rajonin.
 
Pse nuk i marrin vendet e tjera?”, u shpreh Klosi, në një prononcim për gazetën “Sot”. Nuk është e para herë që në Shqipëri strehohen muxhahedinë edhe pse Shqipëria është një vend i vogël me një ekonomi jo të qëndrueshme. Ka qenë SHBA ajo që i ka kërkuar Shqipërisë strehimin e muxhahedinëve. Shqipëria nga ana tjetër, nuk ka mundur t’i thotë jo partnerit tonë strategjik, superfuqisë që po udhëheq botën. “Deri tani duhet të themi se nuk ka ende një qëndrim zyrtar nga qeveria shqiptare. Por, megjithatë, besoj se qeverisë shqiptare do i jetë marrë një mendim në lidhje me mundësinë e strehimit të këtyre njerëzve në Shqipëri dhe, siç ndodh gjithmonë kur SHBA-të flasin, ajo është e treguar e gatshme t’i mirëpresë. Por, SHBA-të e kanë kërkuar këtë strehim, pasi askush në botë nuk dëshiron që t’i ketë pranë vetes disa persona, pa i paragjykuar, që janë akuzuar për veprimtari terroriste në botë”, ka deklaruar Klosi. Pra, fakti që e gjithë bota i refuzon për arsye sigurie, Shqipëria nga ana tjetër i pranon, do të thotë se qeveria jonë është e pafuqishme të kundërshtojë Amerikën. 
 
Lisen Bashkurti
 
Presidenti i Akademisë Diplomatike, Lisen Bashkurti, në një prononcim për gazetën, sqaron se strehimi i muxhahedinëve do të bëhet nëpërmjet zbatimit të marrëveshjes së posaçme Shqipëri-SHBA. Ai theksoi se muxhahedinët nuk përbëjnë rrezik për vendin, ndërsa SHBA do të garantojnë siguri dhe mbështetje financiare. Ai tha se SHBA kanë detyrimin t’u sigurojnë mbrojtjen muxhahedinëve, që është opozita iraniane dhe se Shqipëria nuk ka pse të shqetësohet, pasi është vend anëtar i NATO-s. Pra, me pak fjalë, Shqipëria është e detyruar të presë muxhahedinët sepse ka bërë një marrëveshje paraprake me Amerikën. Bashkurti thekson se askush nuk duhet të shqetësohet përsa kohë që SHBA do të mundësojnë financimin dhe sigurinë kombëtare për vendin dhe Rajonin. “SHBA janë mbështetje financiare, logjistike dhe sigurie. I sjellin te ne sepse Shqipëria ka një marrëveshje të posaçme me SHBA për këto raste të veçanta, si dhe për shtetasit amerikanë. Muxhahedinët janë opozita iraniane për të cilën SHBA kanë obligim juridik ndërkombëtar për t’i marrë në mbrojtje. Shqipëria i garanton paprekshmëri dhe siguri si të ishin në SHBA”, u shpreh Lisen Bashkurti. Eneida Jaçaj 
 

/Agjensia e Lajmeve Sot News/

Na Beni Like Ne Facebook: 
Total votes: 50

Lajme nga e njejta kategori

Postuar: 19/09/2018 - 22:13

Kryetarja e LSI-së Monika Kryemadhi ka rikthyer edhe njëherë në vëmendje ngjarjen e rëndë, ku u gjet i vdekur Shkelzen Qordja, shoferi i ministrit të Brendshëm, Fatmir Xhafaj.

Postuar: 19/09/2018 - 22:01

Kryetarja e LSI-së Monika Kryemadhi është shprehur se nëse opozita del në rrugë për të protestuar

Postuar: 19/09/2018 - 21:35

Kryetarja e LSI-së Monika Kryemadhi shprehet pro ngritjes së një komisioni për të hetuar atë që e

Postuar: 19/09/2018 - 20:56

Artan Hoxha ka komentuar masakrën e Lushnjes,  ku u vra Zamir Latift dhe Jurgen Hoxha.

Postuar: 19/09/2018 - 20:50

Në emisionin ‘FAKT’ kryetarja e LSI-së Monika Kryemadhi ka treguar se pse Shpëtim Idr

Postuar: 19/09/2018 - 20:16

Pas takimit me artistët për çështjen e Teatrit, kryetari i Partisë Demokratike Lulzim Basha ka da

Postuar: 19/09/2018 - 19:52

Zv/Kryeministrja Senida Mesi priti sot në një takim Ministrin e Inovacionit dhe Ndërmarrësisë së