Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Fluksi i emigrantëve, ministri Xhafaj thirret në Bruksel

Postuar: 19/06/2018 - 19:25

Kriza e emigrantëve ka mbledhur në një takim në Bruksel ministrat e Brendshëm të Ballkanit Perëndimor, mes të cilëve ishte edhe Fatmir Xhafaj me ftesë të Komisionerit për Migracionin, Punët e Brendshme dhe Shtetësinë të Bashkimit Evropian, Dimitris Avramopoulos. Në takim u diskutuan çështjet që lidhen me sigurinë, menaxhimin e kufirit dhe migracionin.

Kryefjala e takimit ishte rritja e bashkëpunimit rajonal me mbështetjen e BE-së lidhur me menaxhimin më efektiv të kufijve dhe luftën kundër kontrabandimit të personave për të frenuar flukset e imigrantëve të parregullt. Xhafaj theksoi se përgjigja e vendeve të rajonit duhet të jetë e njëzëshme, ku secili nga vendet të mbajë përgjegjësitë që i takon, për përballimin e sfidave të përbashkëta, pasi çdo lëshim i një vendi do të kthehet në barrë për tjetrin.

“Ne i njohim përgjegjësitë tona edhe në këtë rast, ashtu sikundër kemi vepruar dhe jemi angazhuar me shumë përgjegjësi në sfida të mëdha, si ato për çështjet e azil kërkimit, luftës ndaj terrorizmit dhe krimit të organizuar e në një sërë fushash të tjera me interes të përbashkët me vendet anëtare të BE-së.”, ka deklaruar ministri Xhafaj.

Sipas njoftimit të Ministrisë së Brendshme, në këtë kontekst, vendet e rajonit u angazhuan gjithashtu të vazhdojnë përpjekjet e përbashkëta në luftën kundër terrorizmit dhe në adresimin e fenomenit të luftëtarëve të huaj, duke parandaluar ekstremizmin dhe radikalizmin e dhunshëm, si dhe të rrisin përpjekjet në luftën kundër krimit të organizuar dhe trafikimit të armëve të zjarrit.  Takimi u zhvillua gjithashtu edhe në kontekstin e përgatitjes së Ministerialit të ardhshëm, që do të zhvillohet në Tiranë më 4 dhe 5 tetor, me pjesëmarrjen e Ministrave të Brendshëm, mes BE-së dhe vendeve të Ballkanit Perëndimor.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/02/2019 - 22:22

Ditën e sotme kryetari i opozitës, Lulzim Basha në një komunikatë për mediet propozoi djegien e mandateve, me argumentin se protesta e ditës së djeshme provoi se shqiptarët janë të inatosur me këtë mazhorancë dhe qe

Postuar: 17/02/2019 - 21:38

Deklarata e ambasadorit të Austrisë në Shqipëri, Johann Sattler ka patur reagime nga politika s

Postuar: 17/02/2019 - 21:12

Çuditë nuk kanë fund nga Lëvizja Socialiste për Integrim.

Postuar: 17/02/2019 - 20:59

Një foto ku shfaqej e rrethuar Kryeministria nga protestues ka qarkulluar ditën e djeshme.

Postuar: 17/02/2019 - 20:30

Ish aleati i Bashës Kreshnik Spahiu ka komentuar protestën e organizuar nga opozita.

Postuar: 17/02/2019 - 19:45

Pas deklaratës së ambasadorit të Austrisë në Shqipëri, Johann Sattler, ka ardhur dhe reagimi i