Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Fyerje dhe kërcënime ndaj gazetarëve, PD rezolutë në Parlament

Postuar: 23/02/2018 - 18:07

Partia Demokratike do të depozitojë në Kuvend një rezolutë për të ndalur kërcënimet dhe fyerjet e zyrtarëve të lartë shtetërorë ndaj gazetarëve.

Përmes një deklarate, deputetja Albana Vokshi, Kryetare e Komisionit Parlamentar për Informimin Publik, shkruan se shantazhimi dhe intimidimi i gazetarëve nga Kryebashkiaku Erjon Veliaj dëshmon se liria e mediave në Shqipëri është e rrezikuar.

Deklarata 

PD REZOLUTË NË PARLAMENT PËR TË NDALUR KËRCËNIMET DHE FYERJET E ZYRTARËVE TË LARTË SHTETËRORË NDAJ GAZETARËVE!!!

Shantazhimi dhe intimidimi i Kryeredaktores së Monitor; Ornela Liperi dhe Kryeredaktorit të Panorama, Robert Rakipllari, gjatë një përballje televizive me Kryetarin e Bashkisë Tiranë, dëshmon që liria e mediave në Shqipëri është e rrezikuar.

Përdorimi i gjuhës së dhunshme, shantazheve, përçmimi dhe sulmet politike ndaj gazetarëve inkurajojnë dhunë edhe fizike ndaj tyre dhe akte që ndikojnë në lirinë e shprehjes në Shqipëri.

Komiteti i Stabilizim Asociimit në Deklaratën e Përbashket mes Parlamentit Europian dhe atij Shqiptar ngriti shqetësimin për ndikimin e madh të interesave ekonomike dhe politike që rrisin autocensurën dhe rrezikojnë lirinë e shprehjes dhe sigurinë e gazetarëve.

Personazhi i “njëmijë e një historive” korruptive me pasoja kriminale, siç ishte shfrytëzimi për vdekje i grave dhe fëmijëve në Landfillin e tij në Sharrë dhe rekordmeni i mashtrimeve u vetëdeklarua si “gjobitës” i koorporatave mediatike.

Disa herë gazetarët kanë denoncuar ndërhyrjen direkte të Kryetarit të Bashkisë Tiranë në politikat editoriale dhe detyrimin e turpshëm për të transmetuar kasetat e tij pa dubla gjatë xhirim-mashtrimeve nëpër skutat e Kryeqytetit.

Në cilën kullë të pushtetit jeton Erion Veliaj që shantazhon gazetarët, duke gërmuar jo vetëm në jetët e tyre personale, por duke iu bërë edhe biografinë e punëdhënësve të tyre?!

Kjo sjellje përbën një agresion të paprecedent dhe përdorim të gjuhës poshtëruese dhe çnjerëzore ndaj gazetarëve, kopje e shëmtuar e ?AMES në një sjelljeje që nxit dhunë dhe urrejtje.

Në mbështetje të nenit 98 dhe 99 të Rregullores së Kuvendit, Partia Demokratike do të kërkojë zhvillimin e një debati në Kuvend për sjelljet e papranueshme dhe të paprecedenta ndaj gazetarëve të zyrtarëve të lartë shtetërore në Shqipëri.

Në mbështetje të nenit 55 të Rregullores së Kuvendit, Partia Demokratie do të dërgojë për shqyrtim dhe miratim në Kuvendin e Shqipërisë edhe të një Projekt Rezolute për dënimin e përdorimit të gjuhës së urrejtjes dhe poshtëruese ndaj gazetarëve, si dhe njohjen e rolit të pazëvendësueshëm të medias së lirë në zhvillimin e demokracisë në Shqipëri. 

 

/Agjensia e Lajmeve Sot News/

Na Beni Like Ne Facebook: 
Total votes: 16

Lajme nga e njejta kategori

Postuar: 25/06/2018 - 09:41

Duket shpresëplotë dhe i palëkundur në qendrimin e tij avokat Spartak Ngjela i cili thotë se negociatat për Shqipërinë në BE do të hapen.

Postuar: 25/06/2018 - 08:33

Kryeministri Rama ka ndarë sot me ndjekësit e tij në rrjetin e tij social Facebook një artikull t

Postuar: 25/06/2018 - 08:11

Debati për ardhjen e refugjatëve sirianë e nga Afrika Veriore ka disa ditë që zien në Shqipëri.

Postuar: 24/06/2018 - 22:33

Deputeti i PD, Ervin Salianji ka reaguar në lidhje me aksionin e policisë që solli kapjen e një s

Postuar: 24/06/2018 - 21:03

Ish-ministri i Drejtësisë, Ylli Manjani ka dal edhe një herë kundër ambasadorit  Amerikan Do

Postuar: 24/06/2018 - 20:47

Kryeministri i Shqipërisë Edi Rama ka uruar Presidentin Erdogan për fitoren në zgjedhjet presiden