Gazetari i njohur nxjerr zbuluar 'pazaret' e kryeministrit: Dako ndër peshqit e mëdhenj të politikës, Rama i mbështet dhe pas akuzave

Sa i përket arrestimit të ish-kreut të bashkisë së Durrësit, Vangjush Dako, gazetari i njohur Erl Murati shprehet se ai është një ndër peshqit e mëdhenj të politikës shqiptare dhe se kryeministri duhet që “minimumi të kërkojë ndjesë” për shkak të mbështetjes që i ka dhënë pavarësisht akuzave të vazhdueshme ndaj tij.

Dako është ndër peshqit e mëdhenj të politikës shqiptare, dhe ka qenë mjaft i afërt me Ramën. Nga pikëpamja politike ai është një peshk i madh. Dako është etiketuar nga opozita vite më parë dhe nuk është surprizë. Opozita ka kritikuar Dakon dhe akuzuar dhe kanë rënë në vesh të shurdhër, por nga SPAK po del se këto po vërtetohen.

Duhet minimumi një ndjesë nga kryeministri apo partia në mazhorancë. Përgjegjësia penale është personale, por ajo politike është e kryeministrit që i ka mbështetur këta individë edhe pas akuzave ndaj tyre.