Gazmend Oketa: Ju tregoj kryetarin e ri që do të marrë drejtimin e Partisë Demokratike

Ish-deputeti dhe anëtari i Këshillit Kombëtar të PD Gazmend Oketa ka komentuar situatën politike brenda Partisë demokratike. Oketa ka analizuar luftën brenda PD mes Berishës dhe Bashës për drejtimin e partisë. Oketa shprehet se nëse Berisha kërkon të rikthehet ka shumë probabilitet dhe mundësi që të rikthehet në krye të PD për shkak të mbështetjes që ai ka.

“Në analizën time politike gjykoj që nëse Berisha kërkon që të rikthehet, sigurisht që ka shumë probabilitet dhe mundësi që të rikthehet për shkak të mbështetjes që ai ka. Nuk e di si do të shkojë kjo histori dhe çfarë rrjedhe do të marrë Partia Demokratike pas datës 11 dhjetor. Përveç rezerva për Bashën, nuk pajtohem edhe me gjuhën e komunikimit të Berishës kundrejt Bashës. Shpallja non grata e Berishës nuk ka ndikuar te mendimi i anëtarësisë së PD madje edhe të një pjese jo të vogël të shoqërisë e shikojnë si të pozicionuar drejt PS diplomacinë amerikane.”, u shpreh Gazmend Oketa  i ftuar në emisionin “Shqip”.