BREAKING NEWS

“Ky është problem”, Artan Hoxha zbardh detaje nga videoja ‘bombë’ që disponon për zyrtarin e lartë: E kanë kapur 'mat' duke...

x

Politike

Gazmend Oketa tregon se çfarë fshihet pas ftesës së Ramës për Lulzim Bashën

Anëtari i Këshillit Kombëtar të PD-së, Gazmend Oketa, shprehet se kërkesa e kryeministrit Rama është një ftesë për të bërë një fotografi me kryetarin e opozitës.

“Solidariteti ka shkuar dhe te politika, për gati një javë nuk ka pasur sulme, akuza politike, i referohem opozitës se mazhoranca nuk ka se çfarë akuzash ti bëjë opozitës. Do të ishte fundi i botës nëse do të akuzonte opozitën dhe për tërmetin. Është një lëvizje e duhur e opozitës që nuk akuzoi askënd për asgjë.  Ftesa e kryeministrit Rama është absolutisht  e pasinqertë, është një ftesë për të bërë një fotografi me kryetarin e opozitës.

Do të ishte e sinqertë në rast se Rama do të tregohej i sinqertë në raport me bashkëpunëtorët e tij. Edhe në këtë rast, ai ka marrë një iniciativë tejet personale. Edhe një krizë që është mirëfilli që duhet menaxhuar nga specialistët i jepet një ngjyrim shumë i fortë politik. Mjafton rasti i debatit të Ministrit të Brendshëm me drejtuesin urbanistik të bashkisë së Lezhës”, tha Oketa në Ora News.