Gazment Bardhi koka e tradhtisë brenda PD zyrtare, Sekretari i Përgjithshëm urdhra nga Berisha për të bllokuar zgjedhjen e kryetarit të ri të partisë, ja ç’ndodhi në Kryesi

Ashtu siç gazeta “SOT” e ka paralajmëruar prej kohësh, brenda Partisë Demorkatike zyrtare duket se kanë qenë të infiltruar disa eksponentët të lartë, grup ky puçist, që kryesohet nga Sekretari i Përgjithshëm i PD zyrtare, Gazment Bardhi. Prej javësh në korridoret e politikës dhe veçanërisht atyre të opozitës, është përfolur se Bardhi dhe disa deputetë si Agron Gjekmarkaj, Saimir Korreshi, Dashnor Sula, Lefter Gështenja, etj, janë marioneta të Sali Berishës dhe luajnë me dy porta, por që në finale synojnë që të çojnë ujë tek mulliri i Sali “non gratës”. Por teksa deri këtë të hënë këto ishin vetëm aludime, u desh mbledhja e Kryesisë e mbajtur këtë të martë dhe që përfundoi në orët e parë të mëngjesit të së mërkurës, që ata të nxirrini kokën. Pas 10 orësh debate e tension, Kryesia e Partisë Demokratike doli me vendimin për hapjen e garës për kreun e ri të partisë. Me 17 vota pro, 2 kundër dhe 3 abstenime, Kryesia vendosi që gara për kreun e ri të demokratëve të mbahet më 29 korrik, në kushtet kur edhe Jorida Tabaku refuzoi drejtimin e partisë. Por ky vendimi nuk u erdhi për shtat veglave të Berishës, të cilit po përdoroni çdo strategji për të penguar zgjedhjen e kreut të ri të PD. Ata në shenjë revolte dhe kur e panë që dështuan, ikën me bisht në shalë. Ky vendim i marrë dje me maturi nga 80% e anëtarëve të Kryesisë, bën që Lulzim Basha të jetë vetëm 2 muaj larg rikthimit si kryetar, duke qenë se ai mbështete fuqishëm nga Shtetet e Bashkuara të Amerikës, Britania e Madhe dhe Bashkimi Evropian, madje është piketuar nga partnerët tanë strategjikë si kryeministri i ardhshëm i Shqipërisë, i cili do të dalë nga zgjedhjet parlamentare të vitit 2025.

Tensione dhe debate

Por ky vendim i drejtë, ka sjellë tensione në mbledhje, pasi deputetët e Berishës, që njëherazi janë edhe anëtarë të Kryesisë, nuk kanë pranuar që zgjedhjet të mbahen tani. Me këtë situatë, vihet re një tjetër përçarje mes Partisë Demokratike, që pasoi edhe me dorëheqjen e Jorida Tabakut nga posti i nënkryetares. Në një deklaratë për mediat, Tabaku e cilësoi këtë vendim si një hap që e zvogëlon më shumë partinë. U tërhoqa nga vendi i nënkryetares së PD. unë gjykoj që PD do ecë para, do bëhet alternativë kur secili nga ne të anashkalojë egot personale dhe të mendojë për të mirën e përbashkët”, deklaroi Tabaku. Dorëheqja e Tabakut u pasua nga dorëheqja e Ori Nebiajt dhe Flamur Hoxhës nga kryesia e Partisë Demokratike. Gazeta “SOT” mësoi se deputetët e Berishës kanë braktisur mbledhjen, pasi ata kanë kërkuar që fillimisht të mbahen zgjedhjet në bazë, e më pas të caktohet kryetari i ri. Orët e fundit të mbledhjes u shoqëruan edhe me tensione dhe tone të larta. Gazment Bardhi, Saimir Korreshi, Helidon Bushati, Dashnor Sula, Lefter Gështenja, Bledion Nallbati, Dhurata Çupi ishin deputetë që braktisën të parët mbledhjen e Kryesisë, rreth orës 01:00 të mesnatës. Nga ana tjetër, anëtarët e tjerë të Kryesisë u kërkuan deputetëve llogari se përse nuk kanë qenë aktivë në fushatën për zgjedhjet e 14 majit, sidomos në atë të Tiranës. Largimin e deputetëve nga mbledhja, ish-kandidati i PD-së për Bashkinë e Tiranës, Roland Bejko e ka cilësuar thikë pas shpine. Ndërkohë, anëtarja e Kryesisë, Jonila Godole tha se është një veprim i nxituat pasi fillimisht duhet një analizë në bazë për situatën në të cilën ndodhet partia. “Kur u largua sekretari i përgjithshëm nuk e mora vesh sesi iku. Veprimi që u bë ishte i tillë, nëse nuk merrem parasysh “çohem dhe iki”. Braktisja e mbledhjeve nga ana e deputetëve ishte i tillë. Është thikë pas shpine për PD”, deklaroi Bejko. Ndërkohë pas tensioneve dhe përplasjeve brenda Partisë Demokratike, gjatë orëve të mëngjesit të sotëm kanë dhënë dorëheqjen nga pozicioni i tyre, dy anëtarë të kryesisë së PD, konkretisht Ori Nebiaj dhe Flamur Hoxha. “Dorëheqjen si sekretar organizativ rrjedhimisht dorëheqje nga kryesia si anëtar kryesie nga posti I sekretarit organizativ pasi nuk jam në lartësinë e asaj kryesie”, mësohet të ketë thënë Flamur Hoxha.

Zgjedhja e kreut të ri të PD, ja hapat që do ndiqen

Pas hapjes së garës, pritet me interes vendimi i Lulzim Bashës nëse do të kandidojë sërish për drejtimin e Partisë Demokratike, duke pasur parasysh që tashmë ai është kthyer në politikën aktive dhe largimin e tij e arsyeton si veprim që të tërhiqej Berisha. Kryesia ka lënë afat që deri më 20 qershor të dorëzohen kandidaturat për kreun e PD-së, ndërsa kandidatët do të kenë rreth 1 muaj afat për të bërë fushatë zgjedhore. Konkretisht nga data 24 qershor deri më 27 korrik dhe më pas mbahen zgjedhjet. Deri më 15 korrik, çdo degë e Partisë Demokratike, duhet të evidentojë anëtarët me të drejtë vote. Më pas, për të miratuar këto zgjedhje, brenda muajit shtator duhet të mbahet Kuvendi Kombëtar i PD-së.

Box 1