Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Gjebrea dhe Xhaçka: Zgjedhjet do mbahen në 30 qershor, vendimi i presidentit nul, ka shkelur Kushtetutën

Postuar: 13/06/2019 - 07:42

Mazhoranca vijon të jetë e vendosur për mbajtjen e zgjedhjeve vendore në 30 qershor, duke e cilësuar vendimin e presidentit nul dhe antikushtetues. Deputetja e PS, Elona Gjebrea u shpreh se zgjedhjet vendore do të mbahen në datën e caktuar nga Kushtetuta, duke e konsideruar vendimin e presidentit nul. Gjatë një interviste televizive, ajo tha se presidenti duhet të kishte thirrur në tryezë të gjitha partitë politike për të marrë këtë vendim. “Në radhë të parë, nesër (sot) do diskutohet për një rezolutë të Kuvendit të Shqipërisë në lidhje me vendimin e presidentit për ç’dekretimin e zgjedhjeve të 30 qershorit. Është shumë e rëndësishme për Partinë Socialiste që të japi mesazhet e duhura. Ne e konsiderojmë një vendim nul ç’dekretimin e datës së zgjedhjeve nga Presidenti, vendim që s’do të na pengojë të bëjmë zgjedhje vendore në 30 qershor. Presidenti duhet të thërriste një tryezë me të gjitha partitë politike për të realizuar një konsultim paraprak për këtë vendim, për ç’dekretimin e datës së zgjedhjeve, por nuk ka ndodhur kjo. Në vitet e shkuara kemi pasur raste kur presidenti ka shtyrë datën e zgjedhjeve, brenda kuadrit ligjor, një shtyrje njëjavore, e cila ka ardhur me dakordësinë e palëve”, tha ajo. Po ashtu edhe ministrja e Mbrojtjes ka komentuar ditën e djeshme vendimin e presidentit Ilir Meta për shtyrjen e zgjedhjeve. Gjatë një interviste televizive, Xhaçka deklaroi se Presidenti i Republikës ka bërë shkelje të kushtetutës dhe se zhvillimet politike nga ana e opozitës nuk janë modelet më të mira për demokracinë dhe integrimin e vendit. “Nuk janë modelet më të mira për demokracinë. Presidenti është zhveshur nga ajo vlerë që ja vesh kushtetuta sepse presidenti ka marrë një anë. Është antikushtetuese cenimi i të drejtës së votës. Në demokraci debatohet dhe teorikisht parlamenti është beteja e ideve, ne si mazhorancë do shtrojmë të gjithë argumentet tona pse ky vendim i presidentit është antikushtetues. Ky veprim i presidentit duhet të ketë një kundërpërgjigje. Kushtetua nuk thotë askund se presidenti mund të ç’dekretojë dekretet. Akti i presidentit është krejtësisht nul”, u shpreh Xhaçka.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/09/2019 - 14:00

“Jemi gati për një marrëveshje me kushte. Po përgatisim një platformë për të hyrë në bisedime. Duhet të bëhen ndryshime në kodin zgjedhor.

Postuar: 17/09/2019 - 13:56

45 dosjet e para të vetingut për drejtues të Policisë së Shtetit janë drejt përfundimit për t'

Postuar: 17/09/2019 - 13:33

Ministri i Jashtëm në detyrë  Gent Cakaj në Komisionin e Integrimit është pyetur nga deputet

Postuar: 17/09/2019 - 13:23

Pas takimit me kryetaren në largim të bashkisë së Shkodrës, Voltana Ademi, Lulzim Basha nuk i kur

Postuar: 17/09/2019 - 13:21

Në një seancë dëgjimore në Komisionin për Integrimin Evropian, ministri për Evropën dhe Punët e J

Postuar: 17/09/2019 - 13:12

Krahas sporteve popullore si futbolli, basketbolli apo volejbolli, edhe tenisi po bëhet gjithnjë

Postuar: 17/09/2019 - 12:53

Deputetët e Grupit Parlamentar Demokrat , Korab Lita dhe Arben Elezi kanë zhvilluar një takim me