Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Gjermanët zbardhin detajet, ja kush janë zyrtarët e ambasadës hungareze në Tiranë që ndihmuan Gruevskin

Postuar: 18/11/2018 - 08:03

Rrjeti gjerman “Deutsche Welle” ka hedhur dritë mbi arratisjen e ish-kryeministrit maqedonas Nikola Gruevski drejt Hungarisë. Përmes një artikulli janë dhënë detaje dhe mbi kalimin e tij në Shqipëri. Në shkrim thuhet se ish-kryeministri i Maqedonisë, Gruevski, kishte shfaqur qysh fundjavën e kaluar dëshirën për azil në ambasadën e Hungarisë në Tiranë. Po ashtu në artikull tregohen dhe emrat e dy diplomatëve hungarezë që asistuan Gruevskin.

“Sipas informacioneve që “DW” i mori nga policia malazeze, të dielën, pak pas orës 7 të mbrëmjes, Gruevski kishte hyrë në Mal të Zi nga pika kufitare Bozaj. Ai shoqërohej nga dy diplomatët hungarezë të stacionuar në Tiranë, Antal Kulcsar dhe Csaba Varfalvai. Pasi ndërroi makinën në Podgoricë, kishte vazhduar nëpër Mal të Zi në drejtim të pikës kufitare me Serbinë, Dobrakovo, i shoqëruar nga diplomatët hungarezë të stacionuar në Mal të Zi, Zoltan Csaszar dhe Csaba Falegyhazi”, thuhet aty. Më tej theksohet se nga pala serbe nuk ka ende të dhëna se kur dhe si u nis Gruevski për Hungari. Siç bëri të ditur nëpërmjet profilit të vet në Facebook, Nikola Gruevski, ndodhej në Hungari. Por sipas portalit investigues hungarez, Atlatszo, ka mundësi që Gruevski të jetë nisur të mërkurën për në Hungari, me një avion privat që përdoret shumë shpesh edhe nga vetë Orbani dhe biznesmenët e afërt me të. Të mërkurën, ky avion i tipit “Jet” ishte ngritur për herë të parë pas disa javësh pushimi nga vend-parkimi i tij në aeroportin e Vjenës. Itinerari: Vjenë-Budapest-Beograd-Budapest. Që atëherë avioni “Jet” ndodhet në aeroportin Ferihegy në Budapest. Atlatszo spekulon se Gruevski me këtë “Jet” është dërguar në Budapest. Ndërsa mesazhi i kryeministrit maqedonas të martën kishte pasur si synim të fshihte gjurmët. Deri tani për këto informacione ka vetëm një konfirmim nga pala e qeverisë hungareze: Të enjten, Gergely Gulyas, shefi i kancelarisë së kryeministrit Orbán, tha në konferencën e shtypit se ishte e vërtetë që Nikola Gruevski e kishte përforcuar kërkesën e tij për azil në Ambasadën e Hungarisë në Tiranë.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 15/09/2019 - 18:02

Ish-sekretari i Përgjithshëm i PD-së, Arben Ristani kërkon një opozitë të përgjegjshme, atdhetare dhe të vendosur për të fituar përballë kryeministrit Edi Rama.

Postuar: 15/09/2019 - 17:16

Teksa Shqipëria dhe Maqedonia e Veriut presin një vendim nga vendet europiane për hapjen e negoci

Postuar: 15/09/2019 - 16:37

Ish-deputeti, Endrit Braimllari gjatë një takimi me strukturat e LSI në qytetin e Korçës ka

Postuar: 15/09/2019 - 16:25

Kryeministri Edi Rama, pak më parë, publikoi disa foto nga stadiumi i i Burrelit, pas rikonstruks

Postuar: 15/09/2019 - 15:57

Avokati Spartak Ngjela paralajmëroi se përmes Strukturës së Posaçme Antikorrupsion në vend do të

Postuar: 15/09/2019 - 15:33

Kryeministri Rama ka dhënë lajmin e mirë.