Gjikondi sulmon primaret e “Foltores”: Në të gjithë Shqipërinë janë zgjedhur persona që janë ‘kamikazë’ të Sali Berishës

Avokatja Brisida Gjikondi ka komentuar dje procesin e primareve që u zhvilluar dy ditë më parë nga “Foltorja” e Sali Berishës. Në një intervistë për mediat, zonja Gjikondi u shpreh se PD ka probleme të mëdha me ekzistencën e saj . Më tej ajo theksoi se kreu i “Foltores” po përdor një taktikë të pastër për të legjitimuar veten e tij, ndërsa shtoi se në të gjitha qytetet kanë fituar mbështetësit e ish-kryeministrit Berisha. “Mendoj se kjo parti ka probleme të mëdha me ekzistencën e saj dhe kjo e primareve më duket më shumë në funksion për të legjitimuar Berishën si kryetar të asaj parti. Këto gjëra që ndodhin prapa janë për të ndikuar Gjykatën, për të ndikuar te Gjykata dhe opinioni që Berisha është kryetar i PD ndërkohë që ne kemi një ngrehinë që është pa letra për aq kohë sa nuk është shprehur Gjykata të gjitha këto mund të dalin nul. Është një taktikë të pastër të Berishës për të legjetimuar veten e tij në krye të asaj partie dhe përdor këto taktika për të shpërndarë pushtet te anëtarët e partisë. Po të shohësh në të gjithë Shqipërinë janë zgjedhur persona që janë kamikaz të Berishës dhe afër Berishës. Nuk kam parë ndonjë qytet deri më sot që të zgjidhen persona që janë kundër Berishës”, deklaroi Gjikondi.