Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Halimi: Fillimi i kryeministrit Rama, antikushtetues

Halimi: Fillimi i kryeministrit Rama, antikushtetues

Postuar: 11/09/2013 - 16:04

Nëpërmjet një postimi në rrjetin social “Facebook”, ish-ministri i Drejtësisë Eduart Halimi e ka cilësuar fillim e qeverisë "Rama" si antikushtetuese, pasi sipas tij kryeministri i ri paraqiti programin bashkë me kabinetin e ri.

"Fillimi antikushtetues i qeverisë Rama. Presidenti i Republikës dekretoi dje për kryeministër z. Rama dhe hapi i parë i këtij kryeministri të ri ishte në shkelje të hapur të Kushtetutës. Sipas njoftimit të Kuvendit u paraqiti në orën 16:00 ditën e djeshme programi i qeverisë së re. Kushtetuta kërkon që Kryeministri paraqet programin bashkë me kabinetin. (Kabineti dje ende nuk ishte dekretuar). “Neni 97 , Kryeministri i emëruar ........ i paraqet për miratim Kuvendit, brenda 10 ditëve, programin politik të Këshillit të Ministrave së bashku me përbërjen e tij.”

Pasi tregoi me mburrje dekretin, Z. Rama shkeli Kushtetutën e vendit. Hapi i parë i kryeministrit ishte antikushtetues. Akt i papranueshëm në një vend demokratik!  E papranueshme edhe për Kuvendin e Shqipërisë që veprimi i parë që kryen është antikushtetues, sepse pranoi paraqitjen e një programi pa përbërje madje reklamoi mediatikisht këtë pranim. Në fakt, Presidenti i Republikës sot e dekretoi qeverinë e re dhe vetëm sot i lind e drejta kushtetuese, kryeministrit ta paraqesë në Kuvend, vetëm sot i lind e drejta kushtetuese Kuvendit të pranojë paraqitjen e programit dhe përbërjen e qeverisë.

Miq, është aq e nxituar dhe uritur per pushtet maxhoranca e re saqë dhe nenet formale, të qarta me precedentë të mirëvendosur të Kushtetutës i shkel. Sa keq që përpara se të bëhej kryeministër i të gjithë shqiptarëve Z.Rama as e ka lexuar Kushtetutën!  Përballë kësaj injorance në qeverisje që nuk ngurroi të shfaqej që në ditën e parë, ne jemi të vendosur të qëndrojmë fort në mbrojtje të interesave më të mira të qytetarëve shqiptarë dhe demokracisë në vend. Shqipëria nuk ka nevojë të kthehet mbrapa dhe as të diskutoi për standardet minimale të kushtetutshmërisë", shkruan Halimi në Facebook.

 

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 13/10/2019 - 23:25

Presidenti, Ilir Meta pasi ç’dekretoi zgjedhjet e 30 Qershorit, caktoi një tjetër datë që shqiptarët të vononin. Kjo datë sipas tij ishte pikërisht dita e sotme, 13 tetor 2019.

Postuar: 13/10/2019 - 22:59

Avokati Altin Goxhaj shprehet se ka ndodhur në Paris, marsin e kaluar një takim mes kryeministrit

Postuar: 13/10/2019 - 22:35

Nënkryetarja e LSI-së, Erisa Xhixho ka reaguar në lidhje me shoqërimet e kryera tek Unaza e

Postuar: 13/10/2019 - 22:01

Ish-deputeti i LSI, Petrit Vasili shprehet se mbështet deri në fund politikisht, si dhe nga pikëp

Postuar: 13/10/2019 - 21:31

Kryedemokrati, Lulzim Basha ka reaguar ashpër pas shoqërimit në polici të ish-deputetit Klevis Ba

Postuar: 13/10/2019 - 21:02

Ministri i Jashtëm grek Nikos Dhendias ka ripërsëritur se një prej kushteve kryesore që kërkon At

Postuar: 13/10/2019 - 20:44

Ish-deputeti demokrat Ervin Salianji shprehet se protesta ishte e ligjshme dhe se policia po vepr