Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Hetimi i përbashkët kundër krimit të organizuar, Gjonaj e Marku takohen me prokurorin e Antimafias italiane

Postuar: 12/09/2018 - 08:08

 Ministrja e Drejtësisë, Etilda Gjonaj dhe Prokurorja e Përgjithshme, Arta Marku janë pritur dje në një takim zyrtar në Romë nga Kryeprokurori i Drejtorisë Kombëtare kundër Mafias dhe Terrorizmit, Federico Cafiero de Raho. Sipas njoftimit të zyrës së shtypit të ministrisë, në këtë takim, pjesë e vizitës dy ditore të ministres Gjonaj dhe kryeprokurores Marku në Itali, merrnin pjesë edhe ministri italian i Drejtësisë, Alfonso Bonafede, drejtuesja e Prokurorisë së Krimeve të Rënda, Donika Prela, drejtues të misionit PAMECA si dhe përfaqësues të Ministrisë së Drejtësisë dhe të Prokurorisë së Përgjithshme. Forcimi i bashkëpunimit për hetimin e përbashkët në luftën kundër krimit të organizuar dhe trafiqeve të paligjshme, përmes shkëmbimit reciprok të informacionit dhe dhënies së ekspertizës nga pala italiane ka qenë në qendër të diskutimeve midis dy delegacioneve. Ministrja e Drejtësisë, ka theksuar se lufta kundër krimit të organizuar është një prioritet absolut i Qeverisë Shqiptare, e cila është angazhuar me të gjitha kapacitet e saj në këtë sfidë. Sipas ministres, ngritja e institucioneve të reja si Prokuroria e Posaçme dhe Byroja Kombëtare e Hetimit, në kuadër të zbatimit të Reformës në Drejtësi, do të krijojë kushtet e duhura për ndjekjen dhe hetimin e veprave penale të korrupsionit dhe krimit të organizuar dhe kallëzimeve penale në nivelet e larta të politikës dhe administratës publike. Ministrja Gjonaj është ndalur në masat që ka marrë Qeveria për marrëveshjen e bashkëpunimit me EUROJUST, e cila pritet të nënshkruhet së shpejti. Nënshkrimi dhe zbatimi i kësaj marrëveshjeje do t’i japë një tjetër impuls luftës kundër krimit të organizuar dhe krimit ndërkombëtar. Ministrja Gjonaj e siguroi kryeprokurorin Antimafia De Raho, për angazhimin e institucioneve ligjzbatuese shqiptare në thellimin e bashkëpunimit, me synim bërjen efektive dhe me rezultate më të shpejta në hetimin dhe goditjen e grupeve kriminale që veprojnë në Itali dhe Shqipëri, përmes skuadrave të përbashkëta hetimore. Nga ana e tij Kryeprokurori i Antimafias italiane ka falënderuar ministren Gjonaj dhe kryeprokuroren Marku për dhënien e një tjetër dimensioni të bashkëpunimit në luftën kundër krimit të organizuar. “Midis dy vendeve tona ekziston një sintoni e plotë në luftën kundër krimit të organizuar, të cilën duhet ta çojmë më tej”, ka thënë z. De Raho. Ai ka shprehur vlerësimet më të mira për bashkëpunimin dhe impulsin maksimal që Ministria e Drejtësisë dhe Prokuroria e Përgjithshme e Shqipërisë, secila në rolin e vet kanë dhënë në luftën kundër krimit të organizuar.

/Agjensia e Lajmeve Sot News/

Na Beni Like Ne Facebook: 
You voted 1. Total votes: 4

Lajme nga e njejta kategori

Postuar: 24/09/2018 - 13:31

“Operacioni “Forca e Ligjit” është duke vepruar prej kohësh dhe ka dhënë rezultate konkrete ku disa grupe kriminale janë goditur, hetimet vazhdojnë dhe të tjerë do të goditen”.

Postuar: 24/09/2018 - 13:25

Ndërsa demokratët prezantonin paketën e re antimafia, e cila ka për qëllim sipas tyre çlirimin e

Postuar: 24/09/2018 - 13:15

Pas akuzave të deputetit socialist Taulant Balla se sipas një kontrate të firmosur nga Edmon

Postuar: 24/09/2018 - 12:41

Seanca plenare e sotme nisi me diskutimin për projektligjin “Për sektorin e gazit natyror&r

Postuar: 24/09/2018 - 12:20

Partia Demokratike ka prezantuar sot platformën e saj kundër korrupsionit, siç deklaron ajo për &

Postuar: 24/09/2018 - 12:04

Ndërkohe që kreu i PD-se dhe opozita janë duke prezantuar platformën dhe ligjin antimafia, që do