Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

I palëkundur në vendimin për teatrin, Rama nxjerr mesazhin e një tjetër aktori: 70 vjet pa një ndërtesë të përshtatshme, uroj të jetë sa më i shpejtë...

Postuar: 14/08/2019 - 18:53

Kryeministri Edi Rama nuk ndalet duke publikuar mesazhet e intelektualëve lidhur me çështjen e Teatrit Kombëtar.

Këtë herë, Rama ka sjellë në vëmendje mesazhin e regjisorit, aktorit dhe profesorit të mirënjohur Pëllumb Kulla, i cili shprehet se pro shembjes së godimës.

Kulla thotë se mezi pret ditën kur problemet e teatrit do të fokusohen, jo më tek ndërtimi historik i korpusit teatror, që ndodh njëherë në mijëra vjet, por tek problemet e vërteta dhe të përditshme të teatrit kombëtar, të dramaturgjisë kombëtare.

Statusi i plotë:

Regjisori, aktori, diplomati dhe profesori i mirënjohur Pëllumb Kulla (që më 1967 ra viktimë e luftës së klasave dhe biografia me njollë e çoi për riedukim në gurore e miniera), me një jetë të tërë kontributesh në botën e skenës dhe spektaklit shqiptar për të cilat është vlerësuar me titullin Mjeshtër i Madh, ka këtë opinion për Teatrin Kombëtar

PËLLUMB KULLA:

Për më shumë se 70 vjet ne nuk kemi patur një ndërtesë të përshtatshme për teatrin qendror. Mjafton të them se ajo ishte shumë larg me shoqet e saj të Europës, po se po, por ajo ishte edhe më e papërshtatshme edhe se disa teatro të vendit. Në atë kompleks të ngritur nga italianët, u bë jetëgjatë një dramaturgji, pjesa më e madhe e të cilës meriton të mos kujtohet më. Mendoj dhe shpresoj se edhe kjo, në korpusin e ri do të realizohet nëpërmjet veçimit të një pavijoni memorialistik, ku mund të ruhej edhe një maket i madh i godinës së teatrit të deritanishëm, ku mund të ekspozoheshin kostumet e paharruara, që nga ai i Hamletit të Shekspirit, Ezopit dhe Kleas të Figuereidos dhe deri tek ato të Halilit dhe Hajries të Kol Jakovës. Në atë ambient muzeal mund të gjenden shfaqje të filmuara apo radiofonike, këndi i dramaturgëve, ai i regjisorëve dhe i skenografëve, makete dekoresh të qëlluara dhe plot elementë që do të plotësonin nevojat shpirtërore të atyre artistëve, që me ashk kërkuan muaj me radhë restaurimin e plotë të ndërtesës. Përshëndes atmosferën optimiste që po krijohet dhe mezi pres ditën kur problemet e teatrit do të fokusohen, jo më tek ndërtimi historik i korpusit teatror, që ndodh njëherë në mijëra vjet, por tek problemet e vërteta dhe të përditshme të teatrit kombëtar, të dramaturgjisë kombëtare. Uroj të jetë sa më i shpejtë fillimi i punimeve dhe qoftë e afërt dita kur të sakrifikohen ngrehinat e dy teatrove “ndërkombëtarë”, që t’i bëjnë vend ndërtesës së Teatrit Kombëtar të Shqipërisë!

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 07/12/2019 - 23:58

Pas deklaratave të presidentit serb Aleksandar Vuçiç që tha për mediat serbe ka thënë se Masakra e Reçakut është mashtrim duke shtuar se do të përsërisë çdo ditë se ky është një krim i fabrikuar.

Postuar: 07/12/2019 - 23:09

Analisti i njohur i çështjeve ndërkombëtare dhe kombëtare Ilir Kulla i ftuar në emisionin “

Postuar: 07/12/2019 - 20:22

Raportuesja për Shqipërinë në Parlamentin Europian, Izabel Santos shprehet se Shqipëria duhet të

Postuar: 07/12/2019 - 19:40

Kryetarja e LSI, Monika Kryemadhi ka hodhur akuza të forta në drejtim të kryeministrit Edi Rama.

Postuar: 07/12/2019 - 19:09

Kryetarja e LSI-së, Monika Kryemadhi ka folur për fatkeqësinë natyrore të tërmetit të 26 nëntorit

Postuar: 07/12/2019 - 18:47

Kryetarja e LSI-së, Monika Kryemadhi e ftuar në emisionin “ Kjo Javë” u pyet për ftes

Postuar: 07/12/2019 - 18:39

Kryetarja e LSI, Monika Kyemadhi e ftuar në emisionin “Kjo Javë” tregoi si e përjetoi