I përfolur në dosjen e korrupsionit, Beqaj “dhëmbë për dhëmbë” me demokratët në Komisionin e Ligjeve

Koordinatori Kombëtar Ilir Beqaj, i përfolur në dosjen e korrupsionit në SPAK, është kapur dhëmbë për dhëmbë me deputetët e Partisë Demokratike në Komisionin e Ligjeve ku u diskutua marrveshja  me Bashkimin Europian, në lidhje me programin vjetor IPA,  deputetët e Partisë Demokratike, kanë shpërthyer kundër Beqaj, i cili po mbronte projktligjin.

Ilir Beqaj, i përfolur në dosjen e korrupsionit me tenderat në Shëndetësi, është koordinatori kombëtar i fondeve IPA, dhe ky fakt është kundërshtuar fort nga opozita, e cila e ka cilësuar si presion që i bëhet drejtësisë, duke theksuar se ish-Minsitri i Shëndetësisë, është nën hetim e këtu shfaqet duke mbrojtur sërish miliona euro.  

“SPAK është plot me ministra, zëvendësministra, me deputetë, me Sekretarë të Përgjithshëm. Sërish ju bëni karshillëk, sillni këtu vjedhjen e radhës.

Fondet e BE-së për bujqësinë sot po hetohen në SPAK. Të gjithë deputetët e mazhorancës kanë përfituar nga ato fonde. Turp.”, u shpreh ligjvënësja demokrate, Dhurata Çupi.

Në të njëjtën linjë ishte edhe deputeti Asllan Dogjani.

“Është sfidë morale dhe presion që i bëhet SPAK-ut, fakti që Ilir Beqja vjen dhe mbron këtu një nisëm të Bashkimit Europain. Ilir Beqja është në SPAK për korrupsion”, u shpreh Dogjani.

Ndërsa deputeti Sajmir Korreshi, në formë proteste braktisi mbledhjen e komsionit.