Ilir Kalemaj tregon ‘formulën’ si arrihet bashkimi i PD-së dhe kodi i mesazhit mes demokratëve: Dreka e përbashkët i shërben...

Politologu Ilir Kalemaj në studion e lajmeve në MCN Live ka komentuar lidhur me sfidat e Partisë Demokratike ku u ndal te dreka e përbashkët.

Ai tha se ajo i shërben bashkimit, por nëse në zgjedhjet e 14 majit shkohet me dy kandidatë atëherë kjo do ta penalizojë PD dhe do favorizojë maxhorancën.

"Politika është arti i pajtimeve shoqërore, ajo që shohim ne është një PD e përçarë më shumë se demokratët në bazë. Për fat të keq nëse shkohet me këtë formulë në zgjedhje me dy kandidatë, atëherë do penalizohet PD dhe do favorizohet maxhoranca. Por si arrihet te bashkimi? Kjo drekë i shërben bashkimit në kuptimin që ata nuk janë armiqtë e njeri- tjetrit, por dimë që koha nuk premton për atë që duhet të arrihet sepse ikën një palë zgjedhje, janë djegur disa etapa", u shpreh politologu.

Më tej Kalemaj shtoi se për fat të keq ne nuk kemi balotazh sepse po ta kishim eliminonte peshën e faktorit të dytë apo të tretë.

"Në mesazhet e drekës së PD, mund të ketë edhe njëlloj marrëveshje me zonat e lira sepse nëse do ishte kjo, atëherë mund të them se Elbasani, Durrësi duhet të rrinte me këta kandidatë që janë, thekson Kalemaj.