BREAKING NEWS

“Serbia po dërgon tanket në kufirin me Kosovën”, Spartak Ngjela paralajmëron zhvillimet e papritura: Dhëntë Zoti, ua merr mendjen dhe...

“Serbia po dërgon tanket në kufirin me Kosovën”,
x
BREAKING NEWS

Florian Marku bën krenar shqiptarët, luftëtari kuqezi shkruan historinë

Florian Marku bën krenar shqiptarët, luftëtari kuqezi shkruan
x
BREAKING NEWS

Berisha bën deklaratën e papritur: Kam kërkuar shpalljen non grata të George Soros

Berisha bën deklaratën e papritur: Kam kërkuar shpalljen non
x
BREAKING NEWS

Kryeministri Rama intervistë për Zërin e Amerikës, flet për marrëdhëniet me Kosovën: Kemi një divergjencë, por...

Kryeministri Rama intervistë për Zërin e Amerikës, flet
x
BREAKING NEWS

Bilanc tragjik në 24 orë, MSH jep të dhënat e fundit epidemiologjike: Ja sa të infektuar janë regjistruar në vend, 26 pacientë në gjendje të rëndë

Bilanc tragjik në 24 orë, MSH jep të dhënat e fundit
x
BREAKING NEWS

Çfarë pritet? PD mbledh sot grupin parlamentar

Çfarë pritet? PD mbledh sot grupin parlamentar
x
BREAKING NEWS

Dënimi i Adriatik Llallës/ Reagon për herë të parë Edi Rama dhe flet për mediat franceze nga Nju Jorku: Po bëjmë luftë të hapur kundër ...

Dënimi i Adriatik Llallës/ Reagon për herë të parë
x
BREAKING NEWS

SHBA 2 mesazhe vdekjeprurëse, rihapet “Gërdeci” dhe bien kambanat për Shkëlzen Berishën, Yuri Kim vjen me porosi të qarta nga Uashingtoni dhe vulos fundin tragjik të Sali Berishës

SHBA 2 mesazhe vdekjeprurëse, rihapet “Gërdeci” dhe bien
x

Politike

Ilir Meta dhe Fatmir Xhafaj kundër ligjit të pronave, mesazh të fortë Ramës, Gramoz Ruçi në krah të qeverisë, ja debati

Ilir Meta dhe Fatmir Xhafaj kundër ligjit të pronave, mesazh të
Në kampin e mazhorancës ka tension dhe mosmarrëveshje serioze. Burimi i tensionit është tendenca e Kuvendit për të mos miratuar ligjet e qeverisë, pa i kaluar në filtrat dhe ekspertizën e duhur. Një nga ligjet më të rëndësishme të javëve të fundit të qeverisë “Rama”, është nisma për kompensimin e ish-pronarëve. Kryetari i Kuvendit, Ilir Meta dhe kryetari i Komisionit të Ligjeve, Fatmir Xhafaj, janë kundër miratimit të projektligjit të pronave, me procedurë të përshpejtuar, sikundër kërkon qeveria. Meta dhe Xhafaj kanë deklaruar se Kuvendi nuk mund të votojë ligje me shpejtësi, kur nuk është i bindur, duke i dhënë një mesazh të fortë kryeministrit Edi Rama. Të njëjtin mendim ndan edhe Fatmir Xhafaj, i cili thekon se ligji i pronave është shumë i rëndësishëm dhe si i tillë kërkon një kohë të caktuar. Ndërkaq, Garamoz Ruçi, është pozicionuar në krah të qeverisë, duke kërkuar miratimin e ligjit me shpejtësi. Debatet janë zhvilluar në mbledhjen e Konferencës së Kryetarëve, ku qeveria, me anë të ministres Ermonela Felaj, ka kërkuar kalimin e ligjit të pronave.
 
Megjithatë, qëndrimi i Ilir Metës ka qenë mjaft i qartë. “Nëse Parlamenti nuk është i bindur nuk ka se si t’i kalojë. Po të ishte ashtu ne kemi tërë ato ligje që do t’i kishim kaluar me muaj, por nuk i kemi kaluar se nuk jemi të bindur. Atëherë e përfshijmë ashtu sikurse e kërkon Qeveria dhe më pas shohim. Nuk na detyron njeri të miratojmë një gjë që kur nuk jemi të bindur dhe nuk kemi mundësi”, ka deklaruar Ilir Meta. Ndërkaq, Gramoz Ruçi, ka dhënë një arsye të madhe se pse ligji duhej miratuar me shpejtësi. “Arsyeja më e madhe është se duhet t’i paraprijmë me buxhetin, që të rimbursojmë pronarët, prandaj kjo është në shërbim të pronarëve”, ka deklaruar Ruçi. Por, Fatmir Xhafaj ka theksuar se një gjë e tillë ishte e pamundur. “Edhe ligjin “Për pronat” që ta kalojë me një mbledhje nuk bëhet. Me procedurë të përshpejtuar i takon për një javë dhe për një javë unë nuk e kaloj dot në komision. E kuptoj shumë mirë Qeverinë, sepse aty ka një problem me pezullimin e punës, e tjera me radhë, por duhet të ruajmë edhe një rezervë. Gjithsesi, unë e kam të pamundur që ta bëj për një javë këtë projektligj. Le ta lemë të hapur, por nuk e arrijmë dot. Ligjin për pronat ta kalosh në një javë, është e pamundur. Më duhet ta lexoj dhe ta kuptoj njëherë se cilat janë ndryshimet, pasi është ligj i vështirë”, ka deklaruar Xhafaj. 
 
Për buxhetin 
 
Në këtë mbledhje ka patur debate edhe për buxhetin e vitit 2016. Deputeti i PD, Edmond Spaho, ka kërkuar sqarime se pse qeveria nuk çonte buxhetin në Kuvend. Ndërkaq, përgjigja ka ardhur nga Ermonela Felaj. “Nuk ka ndonjë arsye, ku të themi se varet nga Qeveria. Ju e dini se buxheti ndërtohet edhe duke pasur për bazë diskutimet me FMN-në, prandaj duhet t’i çojmë deri në fund këto gjëra. Nuk mund t’i ndërpresim në mes”, ka theksuar Felaj. Ndërkaq, Meta ka kërkuar që qeveria të sillte sa më shpjet buxhetin në Kuvend. “Vërejtja e opozitës qëndron. Të mobilizohemi fort që ta sjellin sa më shpejt buxhetin”, ka deklaruar Meta.  Adriatik Doçi