“Intelektual kalibri dhe nëpunës i ndershëm i shtetit”/ Meta ndan lajmin e hidhur: I trishtuar për ndarjen nga jeta të ish-ministrit të Punës dhe ish-kryebashkiakut

Ditën e sotme u nda nga jeta ish kryebashkiaku i Elbasanit dhe ish ministri i punëve, Ëngjëll Dakli. Ky i fundit humbi jetën në një klinikë në Turqi ndërsa kishte shkuar për tu kuruar ndaj Covid-19. Por me gjithë përpjekjen e mjekëve ai nuk ka mundur që të mbijetojë.

Presidenti i vendit, Ilir Meta, i ka shprehur ngushëllimet familjes dhe të afërmve. Me anë të një postimi në rrjetin social, Meta shkruan: "Ëngjëll Dakli, përfaqësues dinjitoz i një familjeje fisnike me tradita qytetare dhe demokratike, do të kujtohet përherë me nder, respekt e mirënjohje, si një qytetar model dhe i përkushtuar, intelektual kalibri dhe mbi të gjitha si një nëpunës i ndershëm i shtetit, që aq shumë e deshte përparimin e Shqipërisë dhe që me aq pasion punoi për modernizimin e qeverisjes vendore të Elbasanit". 

Postimi i plotë i Metës:

Me hidhërim mësova lajmin e trishtë për ndarjen nga jeta të ish-ministrit të Punës dhe ish-kryebashkiakut të Elbasanit, Ëngjëll Dakli.

Në këto momente tepër të vështira, ju shpreh ngushëllimet e mia dhe ndodhem pranë familjes, të afërmve e kolegëve, që humbën sot njeriun dhe mikun e tyre të dashur!

Ëngjëll Dakli, përfaqësues dinjitoz i një familjeje fisnike me tradita qytetare dhe demokratike, do të kujtohet përherë me nder, respekt e mirënjohje, si një qytetar model dhe i përkushtuar, intelektual kalibri dhe mbi të gjitha si një nëpunës i ndershëm i shtetit, që aq shumë e deshte përparimin e Shqipërisë dhe që me aq pasion punoi për modernizimin e qeverisjes vendore të Elbasanit.
U prehtë në paqen e merituar!