“Ishte një plan i organizuar”, ministrja Balluku bën deklaratën e fortë për bllokimin e Aeroportit të Rinasit: Synonin që deri ditën e zgjedhjeve të...

Ministrja e Infrastrukturës dhe Energjisë Belinda Balluku gjatë deklaratës së saj të jashtëzakonshme nga Aeroporti i Rinasit bëri një deklaratë të fortë. Balluku u shpreh se gjithë kjo situatë është krijuar për të penguar fluturimet deri në zhvillimin e zgjedhjeve.

“Për momentin nuk do të ketë fluturime komerciale u bëjmë me dije të gjithë qytetarëve, që sipas të gjitha planeve tona, pritet që të nisin nesër fluturimet për udhëtarët.

Kjo situatë e rëndë dhe e jashtëzakonshme padyshim na ka bërë të kuptojmë se ka qenë një plan i organizuar për të pasur një bllokim deri ditën e fundit të zgjedhjeve. Megjithatë janë marrë të gjitha të dhënat në këto momente për të bërë një verifikim edhe më të thellë të kësaj situate dhe për të arritur në konkluzione e duhura. Rëndësi ka që trafiku ajror ka filluar punën dhe po punojmë për të rikthyer gjithçka në normalitet”,- tha Balluku ndër të tjera.