BREAKING NEWS

‘Koha nuk pret’, Jozefina Topalli prezanton “Lëvizjen për Ndryshim”: Ka vetëm dy mundësi në jetë!

‘Koha nuk pret’, Jozefina Topalli prezanton “Lëvizjen
x

Politike

“Ismail Kadarenë kanë dashur ta arrestojnë”, Spartak Ngjela hedh dritë mbi të shkuarën, tregon kush e shpëtoi nga burgu shkrimtarin e madh

“Ismail Kadarenë kanë dashur ta arrestojnë”, Spartak

Avokati Spartak Ngjela është shprehur se shkrimtarin Ismail Kadare kanë dashur ta arrestojnë.

Ngjela tha se Enver Hoxha donte ta arrestonte Kadarenë, mirëpo e pengoi opinioni publik francez.

“Janë të vërteta deklaratat e Qemal Lamës. Me muaj të tërë në hetuesi kanë pyetur Bashkim Shehun që të flasë kundër Ismail Kadaresë, por nuk ka folur. Janë të dokumentuara. Kur të hapen arkivat, janë aty. Djalin e Mehmet Shehut e pyesin në lidhje me këtë që them unë. Ismail Kadare nuk ka shpëtuar nga mëshira, por ishte shkrimtar i madh, një prekje e tij do të trondiste opinionin francez. Enver Hoxha ka thënë se nuk nxjerr disident unë. Po, kanë dashur ta arrestojnë Kadarenë. Për “Pallatin e Ëndrrave” e shpëtuan francezët”, tha Ngjela.

Spartak Ngjela theksoi se Kadare ka qenë i servijuar nga Sigurimi i Shtetit dhe ai ruhej nga organet institucionale të kohës së Hoxhës. Sipas tij, kritikët ndaj Kadaresë janë në nivel mediokër, që godasin jo Ismail Kadarenë, por Shqipërinë.

“Kadare është shkrimtar botëror dhe ka 15 vjet që konkurron për Nobel. Ata që luftojnë Skëndërbeun, luftojnë edhe këtë, por lodhen kot. Anëtarët e Byrosë Politike e dijnë këtë gjë. Ato që ka thënë Qemal Lame janë të vërteta. Janë dokumentet të shkruara në arkiv. Kadare ka qenë i servijuar nga Sigurimi i Shtetit, goditet se mbron Shqipërinë.  Kritikët godasin Shqipërinë, jo Ismail Kadarenë. Urdhër-arresti për Ismail Kadarenë nuk ka shkuar tek prokurori. Ismail Kadare nuk ka hyrë në letërsinë botërore si disident, por ka vlera artistike, është mjeshtër i gjuhës shqipe. Kadare është anëtar i Akademisë Franceze, këta që flasin janë mediokër”, u shpreh Ngjela.

Më të lexuarat