BREAKING NEWS

“Ku ishe ti president u vranë 4 persona në mes të ditës”, paditi në SPAK ministren Gjonaj, shpërthejnë keq komentuesit ndaj Metës: Pse të dalim në 2 Mars për të mbrojtur floririn e Krrabës

“Ku ishe ti president u vranë 4 persona në mes të
x

Politike

Ja pagat e reja për administratën dhe punonjësit e institucioneve të pavarura, hyn në fuqi vendimi

Ja pagat e reja për administratën dhe punonjësit e institucioneve
Ndryshojnë pagat për disa kategori punonjësish, qoftë në administratën publike, qoftë dhe në institucione të tjera të pavarura. Vendimi i qeverisë ka hyrë dje në fuqi dhe do të ketë ndryshime në pagat e punonjësve që merren me teknologjinë e informacionit dhe komunikimit. Po ashtu ka ndryshuar dhe kualifikimi që duhet për punonjësit, apo dhe numri i institucioneve të përfshira në vendim.
 
Sa u përket pagave, sipas ndryshimeve në vendim nr. 545, datë 11.8.2011, të Këshillit të Ministrave, paga do të jetë 15 mijë lekë në muaj për nëpunësit e strukturave të TIK, të cilët punojnë me bazat e të dhënave shtetërore, në Kryeministri, në aparatet e ministrive të linjës, në Presidencë, Kuvend, Komision Qendror të Zgjedhjeve,në Prokurorinë e Përgjithshme, Avokatin e Popullit dhe shumë institucione e drejtori të tjera të administratës publike. Këtu futet dhe gjyqësori, pasi në vendimin aktual përjashtohej. 7.500 lekë në muaj do të jetë paga për nëpunësit e tjerë të strukturave të TIK, në të njëjtat institucione, të cilët nuk punojnë me bazat e të dhënave shtetërore. Ndërsa 5.000 lekë në muaj do të jetë për nëpunësit e strukturave të TIK të institucioneve rajonale/vendore. Këtu futen një sërë institucionesh në vrasi të qeverisë, si: Drejtoria e Përgjithshme e Arkivave të Shtetit, Agjencia e Prokurimit Publik, Instituti i Statistikës, Drejtoria e Sigurimit të Informacionit të Klasifikuar, etj. Po ashtu futen dhe institucione në varësi të ministrive, si: Drejtoria e Përgjithshme Detare, Agjencia e Legalizimit, Urbanizimit dhe Integrimit të Zonave Informale, Drejtoria e Përgjithshme e Rrugëve, Drejtoria e Përgjithshme Ujësjellës-Kanalizime, Drejtoria e Përgjithshme e Inspektoratit Shtetëror të Punës, etj. Në vendim është përcaktuar se ndryshimet për pozicione konkrete bëhen pas miratimit paraprak të Departamentit të Administratës Publike dhe Ministrisë së Financave, bazuar në përshkrimin e pozicionit të punës. Ky vendim vlen vetëm për institucionet që kanë krijuar bazën e të dhënave, ndërkohë përjashtohen nëpunësit e Agjencisë Kombëtare të Shoqërisë së Informacionit.
 
Arsimi 
 
Qeveria ka ndryshuar edhe pikën katër të vendimit, e cila përcakton dhe llojin e formimit që duhet të kenë punonjësit e interesuar për të punuar në këto institucione. Në vendimin aktual për specialistë dhe pozicione drejtuesish kërkohej vetëm diplomë masteri, ndërsa tani përfshihet dhe ai profesional. Për të gjithë ata që duan të punojnë në administratë në fushën e teknologjisë dhe informacionit duhet që të kenë përfunduar masterin në këto fusha: Inxhinieri elektronike, Inxhinieri informatike, Informatikë, Inxhinieri telekomunikacioni, Teknologji informacioni apo Shkenca kompjuterike.
 
Institucionet
 
Qeveria ka shtuar gamën e institucioneve që përfshihen në vendim. Në këtë mënyrë, Agjencia Kombëtare e Zonave të Mbrojtura është futur në kategorinë e institucioneve qendrore të grupit të dytë. Ndërsa në grupin e tretë janë përfshirë: Arkivi Shtetëror i Sistemit Gjyqësor” dhe Inspektorati Shtetëror i Ujërave.