Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Ja pse PD-LSI nuk e duan vetingun e familjarëve, të afërmit e deputetëve qindra milionë lekë pasuri, zbulohen makinat, bizneset dhe apartamentet

Postuar: 22/09/2018 - 10:00

Zbulohen arsyet se përse Basha dhe Kryemadhi duan veting vetëm për pastërtinë e figurës dhe jo për pasurinë apo dhe për familjarët. Gazeta ka bërë një kërkim në deklaratat që deputetët e PD dhe LSI kanë dorëzuar pranë Inspektoratit të Lartë të Deklarimit dhe Kontrollit të Pasurive dhe rezulton se një pjesë e madhe e deputetëve kanë fëmijët dhe bashkëshortët me pasuri shumë të lartë. PD në draftin që ka dorëzuar ka përcaktuar vetëm një pikë për pasurinë, ku thuhet nëse nga institucionet kushtetuese rezulton dikush që nuk e justifikon pasurinë, i hiqet mandati. Por kjo lëvizje duket që ishte sa për të shpëtuar nga akuzat, pasi deri më sot ILDKP, që është organi kushtetues, nuk ka zbuluar asnjë shkelje. Më vonë Basha u tërhoq dhe tha se do ketë hetim pasuror dhe për politikanët. Por ajo që për të cilët nuk është lëkundur është verifikimi i familjarëve. Për shumicën e deputetëve, të afërmit e tyre kanë pasuri qindra milionë lekë. Disa kanë bashkëshortët me kompani, apartamente dhe makina luksoze. Disa të tjerë kanë shpenzuar qindra milionë lekë për fëmijët që ju jetojnë e studiojnë jashtë. Pra duket qartë se përse opozita i druhet një vetingu pasuror që do të shtrihet deri te familjarët. Nëse përmendim disa prej tyre, bashkëshortja e deputetit Astrit Veliaj ka disa apartamente. Bashkëshortja e Haxhinastos ka disa llogari bankare, ka dyqan, studio noteriale, etj. Bashkëshortja e Edmond Panaritit ka 9 llogari bankare, ndërsa djali ka të ardhura në Britani. Ndërsa vajza e Fatmir Mediut është administratore në një kompani. Edhe shumë deputetë të tjerë kanë të njëjtën situatë. E njëjta gjë vlen dhe për në Partinë Socialiste. Edhe aty ka shumë emra që kanë të afërmit me pasuri marramendëse.

Shtrirja e vetingut

Sipas ligjit për deklarimin e pasurisë, deputetët, ministrat dhe zyrtarët e tjerë duhet që të deklarojnë vetëm të ardhurat e tyre dhe të familjarëve, në nivele bashkëshortësh dhe fëmijësh. Por vetingu që po zhvillohet në drejtësi është shtrirë deri te vëllezërit, motrat dhe kushërinjtë. Madje në raste të caktuara dhe te kushërinj më të largët. Nëse politika do vërtet veting, atëherë e njëjta gjë duhet të ndodhë dhe në këtë rast. Vetingu në drejtësi zbuloi se shumica e prokurorëve dhe gjyqtarëve pasuritë i kanë pasur në emër të motrave dhe vëllezërve. Fatos Lulo, ish gjyqtari i Gjykatës Kushtetuese u shkarkua nga detyra pasi u zbulua se mashtroi duke deklaruar se pasurinë dhe paratë i kishte marrë nga motra e tij. Po ashtu dhe kreu i Kushtetueses, Bashkim Dedja është sot në Apel pasi ndërkombëtarët dyshojnë se një apartament që ai deklaronte se është i vëllait, është në emër të tij. Kështu ka ndodhur dhe me shumë të tjerë. Por duket se PD është me një skenar tjetër, atë të shmangies së familjarëve.

Roli i SPAK

SPAK do të jetë organi kryesor që do të merrte me hetimin pasurisë dhe pastërtisë së figurës për shumë politikanë. Por PD e LSI nuk e duan këtë sepse SPAK në çdo hetim që nis ndaj tyre, automatikisht vë në zbatim ligjin antimafia. Kjo do të thotë se ka sekuestrim pasurie për të gjithë, duke filluar nga familjarët, e duke vijuar te krushqinjtë. 

Kliti Topalli

 

/Agjensia e Lajmeve Sot News/

Na Beni Like Ne Facebook: 
Total votes: 2

Lajme nga e njejta kategori

Postuar: 11/12/2018 - 16:29

Sali Berisha ka reaguar pas kalimit të afatit të vendosur nga studentët për kryeministrin Edi Rama.

Postuar: 11/12/2018 - 16:18

Deputeti Gent Strazimiri, ka reaguar pas komentit të kryeministrit Edi Rama, i cili shkruante se

Postuar: 11/12/2018 - 16:18

Teksa afati që studentët i kanë vendosur kryeministrit përfundoi, ka reaguar sërish kryeministri

Postuar: 11/12/2018 - 16:02

Ish- zv ministri i Arsimit përmes një postimi në ‘Facebook ka paralmëruar se ditën e sotme

Postuar: 11/12/2018 - 16:01

Si një prej studentëve të dhjetorit 1990, ish-deputeti Astrit Patozi e mbështet protestën e ditëv

Postuar: 11/12/2018 - 15:52

Gazetari Erl Murati kërkon dorëheqjen e ministres së Arsimit, Lindita Nikolla, pas protestës masi

Postuar: 11/12/2018 - 15:00

Pas reagimit të deputetit të Partisë Demokratike, Gent Strazimiri, ka qenë i menjëhershëm reagimi