BREAKING NEWS

Ministria e Shëndetësisë informon qytetarët: Ja si paraqitet situata epidemiologjike në vend

Ministria e Shëndetësisë informon qytetarët: Ja si paraqitet
x
BREAKING NEWS

“Le të shohim nga e ardhmja”, Edi Rama jep lajmin nga Egjipti: Ja çfarë do të ndodhë së shpejti

“Le të shohim nga e ardhmja”, Edi Rama jep lajmin nga Egjipti:
x
BREAKING NEWS

Edi Rama pritet me ceremoni shtetërore në Egjipt, nënshkruhen tre marrëveshjet e rëndësishme

Edi Rama pritet me ceremoni shtetërore në Egjipt, nënshkruhen tre
x
BREAKING NEWS

Plas skandali/ Serbia ndalon boksierët nga Kosova, Shqipëria braktis botërorin. Ja çfarë ka ndodhur në kufi

Plas skandali/ Serbia ndalon boksierët nga Kosova, Shqipëria braktis
x
BREAKING NEWS

Vendimi hyn menjëherë në fuqi/ Emërohet drejtori i Përgjithshëm i Tatimeve, kush është emri i njohur që i besohet posti i rëndësishëm

Vendimi hyn menjëherë në fuqi/ Emërohet drejtori i
x
BREAKING NEWS

Projekti/ Sekuestrohen pasuritë që kalojnë 2-fishin e të ardhurave, ja pronat që zotërojnë politikanët shqiptarë, nga Meta e Berisha, te Rama, Basha e deputetët

Projekti/ Sekuestrohen pasuritë që kalojnë 2-fishin e të
x
BREAKING NEWS

Zbardhet qarkorja, PD rrëzon Berishën: Topalli, Imami dhe gjithë “garda e vjetër” u përjashtuan prej tij, “Foltoren” po e përdor si mjet shantazhi

Zbardhet qarkorja, PD rrëzon Berishën: Topalli, Imami dhe gjithë
x
BREAKING NEWS

Shkarkimi i Metës pa afat, seanca në Kushtetuese nuk parashikohet as në nëntor, presidenti vijon luftën në prapaskenë

Shkarkimi i Metës pa afat, seanca në Kushtetuese nuk parashikohet as
x

Politike

Ja si Llalla u fut në kurth nga Meta, nga plani për të kapur KED dhe përplasja me Donald Lu, te refuzimi i arrestimit dhe braktisja nga presidenti

Ja si Llalla u fut në kurth nga Meta, nga plani për të kapur KED

Ish-Kryeprokurori Adriatik Llalla duket se po vuan pasojat e besnikërisë ndaj atyre që e vendosën në krye të organit të akuzës. Të mërkurën ai u dënua me 2 vite burg dhe është lëshuar një urdhër arresti ndaj tij, ndërkohë që rezulton se ka ikur jashtë shtetit. Avokati pretendon se është duke u kuruar, por ka dyshime se ai mund të jetë larguar për të kërkuar strehim politik në një shtet të BE. Por ajo që bie në sy është se asnjë nga ata që dikur e mbronin Llallën, sot nuk i kanë dalë në krah. Llalla u bë kryeprokuror me bekimin e dyshes Meta-Berisha. Në vitin 2012 ai u votua me votat e PD dhe LSI në Parlament, ndërsa njihej si besnik i Metës dhe Berishës. Por ai që e mori më qafë Llallën ishte presidenti Ilir Meta. Në vitin 2017 nisën të formohen organet e reja të drejtësisë, mes të cilave dhe Këshilli i Emërimeve në Drejtësi. Prokuroria e Përgjithshme dërgoi si kandidat në atë kohë vetëm emrin e Rovena Gashit, një ndër njerëzit më të besuar të Llallës. Ambasadori amerikan Donald Lu reagoi ashpër, pasi e pa si tentativë për të kapur KED, pasi emri i saj do përzgjidhej automatikisht. Llalla reagoi më pas duke e sulmuar ambasadorin dhe në krah të kryeprokurori të asaj kohe doli presidenti. Meta deklaroi se Llalla ka vepruar konform ligjit. Madje Meta e thirri në një takim në shkurt të 2017 ku dhe folën për këtë çështje, duke i dhënë mbështetje kreut të akuzës. Por kjo mbështetje që i dha Meta, duket se i dha kurajo Llallës, i cili akuzoi ambasadorin se kishte ndërhyrë në procese hetimore. Ai përmendi një hetim për kompaninë “Bankers Petroleum”, ndërsa akuzoi Lu se i kishte kërkuar arrestimin e Ilir Metës, në atë kohë kryetar Kuvendi. Më vonë Llalla i dërgoi dhe një letër Senatit të SHBA, ku ngrinte si shqetësim se Lu i kërkonte arrestimin e Metës. Kjo solli më pas sulme dhe kundërsulme nga ambasadori Lu dhe Llalla. Por nuk zgjati shumë dhe Llalla u shpall person i padëshiruar nga SHBA, pasi akuzohet se ishte i përfshirë në korrupsion madhor. Pas shpalljes “non grata” prokuroria inicioi hetimet dhe tashmë ai është një i dënuar me 2 vite burg. Pra nëse shohim rrjedhën e ngjarjeve, ishte presidenti Meta ai i cili e futi në luftë me amerikanët dhe tashmë është Llalla ai që vuan pasojat.

Konflikti me Metën

Adriatik Llalla e kuptoi vonë se ishte përdorur nga presidenti, por nuk mund të bënte dot asgjë. Pas kërkesës për ta arrestuar Metën, Llalla i shkoi menjëherë në zyrë kreut të Kuvendit në atë kohë duke informuar për të gjithë bisedën me ambasadorin Lu. Por më vonë Meta zhvillon një takim me Donald Lu dhe e cilësoi si keqkuptim këtë çështje duke shitur Llallën. Kjo solli dhe ndarjen e tyre gjë që është konfirmuar dhe nga vetë ish-kryeprokurori. Pas dënimit që dha Shkalla e Parë, Llalla doli në një intervistë dhe goditi Metën. “Për zotin Meta u pozicionua vetë dhe pas takimit me Lu u shpreh në mënyrë jo korrekte që tha: unë i besoj ambasadorit dhe jo prokurorisë shqiptare”, tha ai duke i dërguar kështu mesazh kreut të shtetit. Ndërkohë edhe vetë Berisha nuk ka reaguar për Llallën, duke e lënë të gjithë në baltë.

Më të lexuarat