Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Jemi në kontakt me Europol”, Basha pas paralajmërimit të operacionit ‘tronditës’, lëshon mesazhin e fortë për bashkëpunëtorët e Ramës: Do të trishtoheni shumë!

Postuar: 19/07/2019 - 12:11

Kryetari i PD Lulzim Basha në fjalën e tij nga selia blu deklaroi ndër të tjera se Partia Demokratike do të nisë një operacion të gjerë kundër koncesioneve të dhëna nga qeveria “Rama”.

Basha theksoi se me këtë operacion do të bëhet e mundshme që të kthehen paratë e shqiptarëve, të grabitura sipas tij nga qeverisja aktuale.

“Ne do të marrim një aksion të paparë kundër krimit në vend, nga veriu në jug. Hetimi në fushën e prokurimeve publike do të jetë në fokusin tonë. Çdo koncesion do të cilësohet si vepër e mundshme kriminale. Do të hetohet pa asnjë përjashtim. Çdo ent apo kompani private apo publike, ose emër që është përfshirë në emërimin e këtyre kontratave, nga juristë deri te kryeministri, do të hetohet.

Hetimi ynë do të zbulojë se ku janë marrë paratë, ku është burimi i parave. Hetimi do të përfshijë ish-drejtorë, ish-ministra dhe të tjerë, që janë larguar pasi mbushën xhepat. Ata që sot harxhojnë para të vjedhura do të hetohen. Paratë që iu janë vjedhur shqiptarëve që kanë përfunduar në Qipro etj do iu kthehen shqiptarëve. Paratë që iu janë vjedhur shqiptarëve për investime në vila në Romë do iu kthehet. PD ka marrë ekspertizë të huaj për hetimin dhe sekuestrimin e pasurive të vjedhura të shqiptarëve. Ne jemi në kontakt me Europol, me agjenci britanike, italiane, gjermane etj. të gjithë të gatshëm, po hartojmë ligje që tani për luftën ndaj krimit dhe parave të pista.

Do të bëjmë ligj për mospastrim parash në ndërtime. Do bëjmë ligj të atillë që shqiptarët të mund të hedhin në gjyq të gjithë ata që kanë vjedhur. Paratë e Bechetit nuk do paguhen nga shqiptarët. Politikanët me pranga në duar janë kontributi më i rëndësishëm për një qeveri. Lufta ndaj krimit në politikë është e rëndësishme për ne dhe do të hetohen një më një. Asgjë nuk ndal hetimet tona”, tha Basha.

Lulzim Basha kishte një mesazh edhe për bashkëpunëtorët e Edi Ramës, duke thënë se ata do të mbajnë përgjegjësi për të gjitha kontratat që kanë nënshkruar.

“Kam një mesazh për bashkëpunëtorët e kryeministrit Rama. Hiqni dorë sa nuk jeni vonë. Ose do të shpëtojë Shqipëria ose ju. Ju do të trishtoheni shumë shpejt, Shqipëria do të gëzohet shumë shpejt”, tha ai.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/08/2019 - 13:01

“Bankers Petroleum” nuk do paguajë gjobën e rëndë prej 104 milionë lekësh.

Postuar: 24/08/2019 - 12:25

Ambasadori i ri i Gjermanisë në Tiranë, Peter Zingraf, i cili mori zyrtarisht detyrën pak ditë më

Postuar: 24/08/2019 - 11:41

Kryeministri Edi Rama ka dhënë një tjetër lajm të mirë, sa i takon projekteve për rrugët në vend.

Postuar: 24/08/2019 - 10:21

Numri dy i qeverisë, zv.kryeministri Erion Braçe reagon ashpër pas shkrumbimit të malit të Shëngj

Postuar: 24/08/2019 - 09:21

Kryeministri Edi Rama ka njoftuar se janë shkarkuar nga puna disa punonjës në zyrën e Hipotekës.

Postuar: 24/08/2019 - 09:21

Presidenti i Republikës, Ilir Meta, ka zbritur nga Mali i Tomorrit dhe është ndalur të pushojë në