BREAKING NEWS

“Do të nisë së shpejti”, Spartak Ngjela paralajmëron lëvizjen që do të luftojë korrupsionin politik në nivele të larta: Do jetë fundi i...

“Do të nisë së shpejti”, Spartak Ngjela
x

Politike

“Jemi partia e shpresës!”, Basha nxjerr foton e Berishës dhe jep mesazhin e fortë: Ja kush është guri i themelit që ngriti në këmbë shtëpinë e demokratëve!

“Jemi partia e shpresës!”, Basha nxjerr foton e Berishës

Kreu demokrat, Lulzim Basha nëpërmjet një mesazhi në Facebook ka uruar 29 vjetorin e themelimit të Partisë Demokratike.

Basha ka publikuar fotografinë e protagonistëve kryesorë të themelimit të selisë blu, ky ndër ta spikat ish –kryeministri Sali Berisha dhe figura të së djathtës.

Në mesazhin e tij, kreu i PD shkruan se “Liria dhe Demokracia ishin 2 fjalët oksigjen që rikthen jetën në një komb që ra në diktaturën e egër komuniste për gati 5 dekada.”

Sipas tij, PD-ja ja ka dal të jetë Partia e shpresës dhe shqiptarët meritojnë të votojnë të lirë për qeverisjen e tyre.

“Liri – Demokraci! 29 vjet më parë këto 2 fjalë ishin oksigjeni që rikthyen në jetë një komb, i cili ra në errësirën e diktaturës më të egër komuniste për gati 5 dekada. Liri – Demokraci është guri i themelit që ngriti në këmbë shtëpinë e demokratëve, shtëpinë e shqiptarëve që e donin Shqipërinë si gjithë Europa.

Për 29 vite, Partia Demokratike ia ka dalë të jetë partia e shpresës. Kjo është arritja jonë më e madhe në këto 29 vjet. Sot shqiptarët i kanë sytë nga ne për të finalizuar misionin për të cilin u themelua Partia Demokratike si garante e lirisë, e demokracisë dhe e mirëqenies së qytetarëve shqiptarë.

Shqiptarët meritojnë të votojnë të lirë për qeverisjen e tyre, ata meritojnë një qeveri që punon për mirëqenien e tyre, që respekton fjalën e lirë dhe të drejtën e pronës, një qeveri që bën më të mirën për të siguruar të ardhmen e qytetarëve të saj! Fëmijët tanë meritojnë të rriten si shqiptarë europianë në Shqipërinë tonë të bukur, Shqipërinë si gjithë Europa! Dhe së bashku do ta bëjmë realitet!

Gëzuar 29 vjetorin e themelimit të Partisë Demokratike! Zoti e bekoftë Shqipërinë!”,  shkruan Basha.

Më të lexuarat