"Ka çuar në kulm varfërinë, represionin e arrogancën", deputeti i PD-së nuk përmbahet ndaj kryeministrit dhe tregon rrugën e vetme që duhej të kishte ndjekur Rama

Deputeti i PD Tritan Shehu në një intervistë ka komentuar deklaratat e kryeministrit Edi Rama gjatë vizitës së tij në Britani të Madhe, ku ka mashtruar hapur se nuk ka gjobitur ndonjë media.

Sipas Shehut, Rama gënjen që të mos mbajë përgjegjësi, përndryshe do i duhet të dorëhiqej.

“Ai vetëm me batuta apo të pavërteta mundohet të tejkalojë realitetin e hidhur e përgjegjësitë e tij të mëdha ose ndryshe ka vetëm një rrugë, dorëheqjen. Për një kryeministër të përgjegjshëm që e ka katandisur vendin në këtë dhe ndaj mediave e pronës ka vetëm një rrugë, kryeministri duhet të kishte dhënë dorëheqjen. Gënjen për të fshehur të vërtetën. I djeg atij e për këtë arsye kërkon ta kalojë duke thënë gjëra jo të vërteta ndaj përdor armën e batutave”, tha Shehu.