“Ka pasur shumë kërkesa”, kryeministri Edi Rama zbulon çfarë do të ndodhë në fund të vitit, tregon edhe lëvizjen që po përgatitet për ministrat në muajin maj

Kryeministri Edi Rama ka bërë se Këshillimin Kombëtar të ardhshëm do ta bëjnë në fund të vitit, për shkak se ka shumë kërkesa.

Gjithashtu Rama paralajmëroi se në muajin maj ministra, deputetë e kryebashkiakë do zbresin në terren.

Sipas Ramës, ministrat po punojnë për draftet për nismat që u votuan. Mes të tjerash Rama ka thënë se do ketë një takim me të gjithë ministrat, lidhur me iniciativat e nevojshme të dala nga Këshilli Kombëtar. Sipas Ramës kjo duhet të bëhet paralelisht me Komisione Përkatëse pasi bëhet fjalë për akte ligjore dhe duhet të bëhet çmos për tu ndërmarrë brenda këtij sesioni parlamentar.

"Fundviti nis Këshillimi Kombëtar, në tema do të jenë tema që janë realisht me interes për ta. Në vijim, në periudhën maj-qershor do të organizojmë një Lëvizje në të gjithë Shqipërinë me pjesëmarrjen e të gjithë ministrave, deputetëve, kryetarëve të Bashkive për të trajtuar qoftë tema të këtij këshillimi kombëtar, qoftë ato që shqetësojnë komunitete të ndryshe, si edhe problematika që hasim në nivelin e qeverisjes vendore dhe qendrore, do na duhet të ulemi përsëri dhe është mirë që të gjithë të jenë të përgatitur për këtë që të diskutojmë për të dyja aspektet, e para lidhur me cilat janë temat që do të trajtojë Këshillimi i ardhshëm kombëtar dhe cilat do të jenë problematikat e zonave", tha Rama.