"Kam dokumenta", Berisha lëshon "bombën": Ja arsyeja e vërtetë pse Anglia nuk e heq “non gratën”

Ish kryeministri Sali Berisha ka bërë deklarata të forta, ku është shprehur se ka në dorë shkresat e autoriteteve britanike në lidhje shpalljen e tij non grata.

I ftuar në emisionin e Çim Pekës, Berisha tha se do të bëjë publike shumë shpejt shkresat ku thuhet se non grata nuk mund të hiqet për shkak se bie reputacioni i institucioneve britanike.

  “Çështja shkon deri aty sa thuhet nuk ia heqim dot se na bie reputacioni. Komunikimi me qeverinë britanike është transparent, ka një sistem serioz transparence. E thotë shkresa: "Të mos ia heqim se na bie reputacioni". I kam të gjitha dokumentet, do t'ua paraqes shqiptarëve. Ata janë transparentë, janë shtet ligjor. Unë i kam të gjitha, do t'i bëj publike. E lash se ishte fushata, por do t'i bëj publike”, ka thënë Berisha.