“Kam frikë se me gjithë këtë tension do të ...”, Roland Qafoku bën parashikimin e papritur për Lulzim Bashën

Gazetari Roland Qafoku  i ftuar në emisionin ‘Me Xhaxhiun’ ka komentuar përplasjet brenda PD-së.

Sipas Roland Qafokut, ai që humbet betejën nga dyshja Berisha-Basha do të largohet nga politika, pasi PD nuk mund të ndahet në dy parti.

Për Lulzim Bashën ai madje bën një parashikim. Qafoku thotë se nuk është çudi që në gjithë këtë tensionim, Basha të dorëzohet dhe të largohet drejt Holandës.

“Marrim rastin Berisha. Me non-grata dhe të humbasë këtë betejë, e kuptoni. Ai ka bërë shumë beteja jete. Si do funksionojnë dy PD? Ai ka thënë nuk krijoj parti të re. Ai thotë do jem kryetar i PD-së, por kryetar i PD-së është z.Basha. Parti me dy parti nuk e imagjinoj dot PD-në, me dy lidera, me dy zyra, me dy kryetarë. Kryetari që humbet zgjedhjet ikën në shtëpi. Thotë tani beteja filloi. Këto nuk tregojnë format të lartë politikani. Nuk frymëzon Basha. Ja ta zëmë se e fitoi betejën me Berishën me suportin e SHBA-ve. Por a mjafton kjo mbështetje e SHBA-vë? Unë them se ai s’di ta menaxhojë këtë mbështetje. Berisha i ka luspat e trasha në betejat politike. Z.Basha nuk ka luspa fare në beteja politike. Kam frikë ndonjëherë që me gjithë këtë tensionim të thotë unë po jap dorëheqjen dhe po shkoj në Holandë”, tha Qafoku.