“Kandidat më të mirë, vështirë se do të gjejë PS”/ Zgjedhjet e 6 marsit, Romeo Kara del me propozimin e rëndësishëm (EMRI)

Vëmendja politike në vendin tonë është përqendruar në zgjedhjet e pjesshme lokale që do të mbahen në 6 bashki. Ditët e fundit kanë qarkulluar edhe disa nga emrat e kandidatëve të mundshëm të forcave të ndryshme politike.

Dje PS pas mbledhjes së Kryesisë bëri publik emrat e saj, në 5 bashki, ndërsa për Bashkinë e Lushnjës Taulant Balla u shpreh se do ta bëjnë publik emrin ditën e martë pasi janë ende në konsultime.

Pikërisht për këtë bashki ka reaguar edhe juristi Romeo Kara. Përmes një postimi në rrjetet sociale, Romeo Kara shkruan se një ndër kandidatët më të mirë për PS-në për bashkinë e Lushnjës është Krenar Haxhiu.

“Ne kete kohe kur politika anatemohet 24/7, i vetmi kriter per perzgjedhjen e perfaqesuesve te popullit duhet te jete: integriteti, morali, devotshmeria dhe aftesite si garanci per sukses.

Njerez te tille sot jane te rralle dhe nuk eshte veshtire t'i shohesh dhe njohesh, por eshte me shume se e veshtire t'i ofrosh aty ku duhet.

Kandidat me te mire, me te sakte dhe me te sprovuar per kryetar bashkie ne Lushnje se Krenar Haxhiu, veshtire se PS do te mund te gjeje.

Qytetar ne te gjithe qenien e tij, i sprovuar per pastertine dhe përkushtimin e tij si drejtues i OSHEE-se ne Lushnje, i mirearsimuar dhe edukuar, ai do te ishte zgjedhja e duhur e PS-se pikerisht ne kete moment ne Lushnje.

Kete e them jo vetem une, por edhe populli i Lushnjes, te cilit Krenari i perket.”, shkruan Romeo Kara.