Gati të fundoset grupi organizator i biznesit të armëve në Gërdec, prokurorët pritet të marrin në duar faktet nga Drejtësia Amerikane, nisen letër-porositë në SHBA, informacione do të merren edhe për Patrick Henryn, ja lidhja e tij me Delijorgjin dhe S...
Daut Gumeni: Ja pse socialistët dhe Gentiana Sula bllokuan hapjen e dosjes së spiunit të Ilir Metajt, presim që ‘shiringa me ujë deti’ që u injektoi zyrtari i lartë i DASH prokurorëve të SPAK të sjellë arrestimin e ‘peshave të rënda’
Plas skandali, Kuvendi i Shqipërisë vihet nën akuzë për votimin pa kuorum të ligjit për Investimet Strategjike, ja si u shkallmua Kushtetuta nga mazhoranca, zbardhet mashtrimi
Pasuria e dyshimtë e “sheikut” të Kuvendit Laert Duraj që sfidon “ujqërit” e vjetër në politikë, banesë 200 mijë euro, 11 llogari bankare, fitime marramendëse nga qeratë, 180 mijë euro shitje pasurish, si i ka justifikuar milionat nga puna si emigrant,...
Ja pazaret e PS dhe Rithemelimit, si po mbrojnë korrupsionin e Klodian Allajbeut dhe Vilma Nushit, vjedhjet me “Hemodializën”, “Check Up”-in, “Laboratorët” dhe “Sterilizimin” janë të faktuara, priten arrestimet nga SPAK
Rama-Berisha ngrenë komision për të shkatërruar SPAK dhe Reformën në Drejtësi, ja pazaret e reja të “non-gratës” me kryeministrin për të bllokuar arrestimet
Plas skandali i Portit të Vlorës, ja si iu falën Samir Manes 57 mijë metra katror tokë, të implikuar 2 ministra, SPAK merr në dorëzim padinë për megaoligarkun e qeverisë
Gazetarja e njohur paralajmëron arrestime të bujshme në ditët në vijim, ja disa nga dosjet “përvëluese” që po heton SPAK dhe skema që ndoqën agjentët e BKH për të arrestuar Jorgo Goron, kryebashkiaku në detyrë i Himarës u përgjua 4 muaj rresht me metod...
Kërcënon Johanes Hahn: Nëse nuk ka arrestime politikanësh, do të ndërpresim procesin e negociatave
Shkruar nga SOT.COM.AL 16 Maj 2018
Komisioneri për Zgjerimin në Bashkimin Europian, Johanes Hahn ka kërcënuar dje Shqipërinë në lidhje me çështjen e hapjes së negociatave. Në një intervistë të dhënë për median gjermane “Stuttgarter-zeintung”, komisioneri Johanes Hahn deklaroi se nëse nuk do të ketë arrestime politikanësh, BE do të ndërpresë procesin e negociatave me Shqipërinë. Edhe pse shpesh ndërkombëtarët kanë kërkuar arrestime në radhët e politikanëve të korruptuar, zvarritjet e sistemit të drejtësisë duket se e kanë nervozuar BE-në e cila ka lëshuar dje një mesazh të drejtpërdrejtë si për ekzekutivin ashtu dhe për legjislativin shqiptar. Sipas komisionerit Johanes Hahn, edhe pse Shqipëria ka bërë progres në reforma, rastet e korrupsionit deri më sot nuk kanë shpënë para drejtësisë peshqit e mëdhenj. Madje, komisioneri Johanes Hahn deklaroi gjithashtu se nëse vendi nuk bën progres në këtë drejtim atëherë Bashkimi Europian do të ndërpresë negociatat. “Unë mund ta kuptoj skepticizmin, por gjithashtu nuk them se Shqipëria dhe ish-Republika Jugosllave e Maqedonisë janë tashmë të gatshme për pranim. Megjithatë, reformat e nevojshme mund të arrihen më së miri gjatë procesit të pranimit. Merrni shembullin e korrupsionit. Nga pikëpamja ligjore, të gjashtë vendet e Ballkanit Perëndimor kanë një situatë ligjore që është e krahasueshme me tonat. Por, në bisedimet e pranimit, i kushtojmë vëmendje faktit se ligjet zbatohen gjithashtu, rastet e korrupsionit vërtet sjellin para drejtësisë peshqit e mëdhenj nuk kursehen. Pa progres në këtë drejtim, ne mund të ndërpresim negociatat. Pra, ne mund të kapërcejmë gjendjen akoma të pakënaqshme të sistemeve ligjore në Shqipëri dhe ish-Republikën Jugosllave të Maqedonisë kur të fillojmë bisedimet e pranimit”, deklaroi dje komisioneri Johanes Hahn.
Komisioneri Hahn: Gjermania rol vendimtar
Pas mesazhit kërcënues ndaj Shqipërisë në lidhje me arrestimet e peshqve të mëdhenj, komisioneri Johanes Hahn dha një koment edhe për vendet skeptike. Komisioneri Johanes Hahn deklaroi dje se qeveria gjermane ka një rol të rëndësishme në këtë proces dhe shpesh vendimet e saj kanë peshë në Komisionin Europian. Por pavarësisht kësaj, komisioneri për zgjerim në BE, Johanes Hahn tha se deri në qershor pret nga Këshilli Europian që të jap një vendim pozitiv dhe të negociatat me Shqipërinë. “Qeveria Federale me kancelaren në krye është një avokat i përkushtuar i një perspektive të zhvillimit evropian për Ballkanin Perëndimor. Vlen të kujtojmë procesin e Berlinit. Por sigurisht, qeveria federale ka nevojë për mbështetjen parlamentare, të cilën unë besoj se e ka në Bundestag. Në qershor pres nga Këshilli që të hapë negociatat për Shqipërinë dhe ish Republikën Jugosllave të Maqedonisë”, u shpreh komisioneri Johanes Hahn. Megjithatë kujtojmë këtu se vetëm pak ditë më parë ministri gjerman për Evropën, në Zyrën Federale për Punët e Jashtme, Michael Roth deklaroi gjatë vizitës në vendin tonë se Shqipëria mund të mbështetet tek Gjermania mbi çeljen e negociatave. Madje ai vlerësoi edhe ecurinë e reformave gjatë takimeve që pati me kryeministrin Rama ndonëse kërkoi që të kishte rezultate sa më konkrete në luftën kudër korrupsionit./ Endri Arizi