BREAKING NEWS

Dakordësia për reformën zgjedhore, reagon kryeministri Rama: Nuk është humbje për Bashën. Marrëveshja është rikthim në realitet, ka anë pozitive

Dakordësia për reformën zgjedhore, reagon kryeministri Rama: Nuk
x

Politike

“Këtë mësim, nëse se kemi mësuar tash 30 vjet...”, Manjani e thotë troç: Ja kush po e mban në këmbë politikën me motor të djegur!

“Këtë mësim, nëse se kemi mësuar tash 30

Ish-ministri i Drejtësisë, Ylli Manjani shkruan në një postim në rrjetet sociale se për sa kohë njerëzit do të jenë tifozë të liderve politikë, ata pa dyshim e kanë humbur lirinë, siç humben paratë e bastit.

Manjani thekson se nëse këtë mësim nuk e kemi mësuar prej 30 vitesh, nuk ka shanse ta mësojmë më.

“Kur njerëzit bëhet tifozë të liderve, pa dyshim e kanë humbur lirinë, siç humben paratë në bast.

Nga ana tjetër, politika në një mjedis tifozësh nuk ka sesi të respektojë lirinë as të drejtat e njerëzve, por thjesht punon të kënaqë tifozët. Tifozët nuk kënaqen duke respektuar lirinë e tjetrit...

Fiks si në futboll. Klubet luajnë për rezultat e për para dhe asnjëherë nuk mbajnë përgjegjësi kur humbin. "Është sport"- thonë.

Keni parë ndonjë klub që blen lojtarë duke pyetur tifozët?! Normal që jo. Këta të fundit nuk kanë liri as për të menduar. Ata duhen vetëm për të ulëritur...

Edhe politika e shoqërisë së tifozëve këtë bën. Madje për ti bërë tifozët të ndjehen sa më mirë edhe shembujt ua marrin nga futbolli. Nuk është rastësi që pushteti sjell gjithnjë si shembull Cristiano Ronaldon...

Prandaj nuk vihet në bast liria, aq më tepër kur mezi e fiton.

Këtë mësim, nëse se kemi mësuar tash 30 vjet, nuk ka shans ta mësojmë më.

Militantizmi dhe tifozllëku politik mban në këmbë politikën me motor të djegur.

#ristartlirisë#”, shkruan Manjani.

Më të lexuarat