“Kjo është e trishtë”/ Endrit Shabani tregon çfarë po ndodh në zonat bregdetare të Shqipërisë dhe ngre alarmin: E kanë zaptuar politikanët, oligarkët dhe trafikantët! (FOTO)

Kryetari i Nismës Thurje, Endrit Shabani ka dalë me një reagim të fortë në rrjetet sociale për gjendjen e turizmit shqiptar këtë sezon veror.

Shabani shkruan se plazhet janë bosh pasi turizmi është i kapur nga politikanët, oligarkët dhe trafikantët të cilët kanë zaptuar pjesët më të mira të Shqipërisë.

Postimi i plotë:

Kush po e spastron bregdetin tone nga shqiptaret e zakonshem?

Sipas Monitorit 50% e hoteleve ne plazhet e Jugut jane bosh ne kulmin e sezonit.

Sipas Barometrit te Ballkanit 60% e shqiptareve do rrijne ne shtepi kete vere.

Pra nga njera ane kemi hotele pa turiste, dhe nga ana tjeter kemi shqiptare qe do te donin te ishin turiste, por nuk i perballojne dot cmimet e ketyre hoteleve.

Ne nje ekonomi te paster, renia e fuqise blerese do sillte renie te cmimeve te hoteleve, sepse nje fitim i vogel eshte me mire se zero fitim.

Por turizmi jone eshte infektuar nga parate e droges, qe hidhen ne bregdet per tu lare, dhe jo per te gjeneruar fitim. Per pasoje ata me mire e mbajne bosh, se tu sherbejne shqiptareve te zakonshem.

Se dyti, ne nje shtet normal, kostot e dhomave do perfshinin vetem shpenzimet dhe investimin e bizneseve.

Por ne nje administrate te korruptuar, si kjo e jona cmimet e hoteleve, restoranteve dhe shezlongjeve reflektojne edhe parate qe iu jepen nen dore bashkive, ministrave, policise dhe inspektoreve.

Keto kosto pastaj iu transferohen klienteve, duke rritur cmimet pertej asaj qe eshte e perballueshme prej shqiptareve te zakonshem.

Arsyeja e trete jane monopolet. Nese ne Shqiperi do te kishim nje treg te lire, cmimet e hoteleve do te reflektonin kapacitetin e turisteve per te paguar.

Por Shqiperia ka nje turizem te kapur. I giithe bregu eshte i dominuar nga politikane, oligarke dhe trafikante te cilet kane zaptuar pjeset me te mira te Shqiperise.

Dalengadale ata e kane perdorur shtetin per ta spastruar bregun nga bizneset e vogla, familjare, shpesh te drejtuara nga banoret e zones, qe ishin ngritur naryrshem ne keto 30 vjet.

Dhe duke mbetur te vetem ne breg ata i vendosin cmimet ne stratosfere, sepse nuk ka kush t’i konkuroje me cmime me te lira. Ti ose shkon tek ta ose nuk ben pushime ne Shqiperi.

Ne keto kushte shqiptari i zakonshem ka tre zgjedhje: ose te marre kredi per te bere pushime ne Shqiperi, ose te shkoje jashte shtetit, ose te qendroje ne shtepi.

Dhe kjo eshte e trishte. Te kesh disa nga plazhet me te bukura ne Evrope dhe te mos arrish t’i shijosh dot, sepse nje grusht horrash nuk kane te ngopur.

E nderkohe qe bregdeti yne spastrohet nga shqiptaret e zakonshem, ne vazhdojme te punojme qe me parate tona te bejne pushime politikanet e korruptuar dhe oligarket e tyre.