Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

KLP vijon me seancat dëgjimore për SPAK, kalon në skaner Elisabeta Imeraj, pyetet për dosjen ndaj Artur Zotos

Postuar: 11/07/2019 - 07:48

Këshilli i Lartë i Prokurorisë ka vijuar dje me intervistat për prokurorët që aplikojnë për Prokurorinë e Posaçme Kundër Krimit të Organizuar dhe Korrupsionit. Gjatë ditës së djeshme u

morën në pyetje prokurorët Edvin Kondili, Elida Kaçkini, Dorjana Benko dhe kryeprokurorja e Prokurorisë së Tiranës, Elisabeta Imeraj. Kjo e fundit u pyet edhe lidhur me çështjen e ish-Drejtorit të Burgjeve, Artur Zoto, i cili pasi qëndroi për rreth 1 vit e gjysmë në burg fitoi pafajësinë në Gjykatën e Apelit. Lidhur me të, Imeraj u shpreh se respektoi vetëm ligjin dhe do të vepronte po njëlloj edhe tani. E pyetur se çfarë do bënte më shumë në SPAK, ka deklaruar se rezultatet do të jenë më të mira pasi do kenë edhe Byronë e Hetimit dhe kushte më të mira për të luftuar. Kujtojmë se Zoto u lirua nga burgu në shtator të 2018-s, pasi ishte dënuar me 5 vite burgim nga gjykata e Shkallës së Parë për Krime të Rënda. Ai u gjet fillimisht fajtor i akuzuar

për abuzime me tenderat e ushqimeve në institucionin qe drejtonte. Një ditë më parë para KLP dolën Donika Prela, Besim Hajdarmataj, Besnik Muçi dhe Doloreza Musabelliu. Ata u gozhduan me pyetje nga ndërkombëtarët. Ishte Mishel Lakomy e misionit OPDAT ajo e cila ka bombarduar me pyetje prokurorët që kërkojnë të marrin në dorë frenat e luftës antikorrupsion. Vëmendja kryesore e monitoruesve ndërkombëtarë ka qenë tek hetimi i dosjeve të bujshme dhe për këtë pikë nuk kanë kaluar pa u “filtruar” Donika Prela dhe Besim Hajdarmataj. Sipas burimeve të gazetës, ky i fundit është pyetur nga ekspertët e EURALIUS dhe OPDTAT për dosjen “339” dhe nxjerrjen e sekretit hetimor. Ndërkombëtarët kanë kërkuar të dinë nga Hajdarmataj sesi ka vepruar me dosjen “339”, pse zbardhja e përgjimeve u vonua aq shumë dhe pse ato përfunduan në duart e opozitës. Në përgjigje, Besim Hajdarmataj hoqi përgjegjësitë nga vetja dhe mohoi t’ia ketë dhënë materialet PD. Marrjes në pyetje nga ndërkombëtarët për çështjet e nxehta nuk i shpëtoi as Donika Prela. Ajo është pyetur për dosjen “Shullazi”, ndërsa mësohet të ketë thënë se ka bërë lëvizjet e duhura edhe pse kjo shkaktoi konflikt të brendshëm në Prokurorinë e Krimeve të Rënda. Edhe për dosjen “339” Prela dha llogari para ndërkombëtarëve, ndërsa u pyet edhe për problemet që ONM ka konstatuar me pasurinë e saj në kuadër të procesit të vetingut.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/07/2019 - 16:17

Zv.ministri i Mbrojtjes, Petro Koçi ka reaguar sa i takon dorëheqjes së Ramush Haradinajt nga pos

Postuar: 20/07/2019 - 15:35

Partia Demokratike i kërkon Prokurorisë të hetojë krimin elektoral të 30 qershorit.Opozita ka kal

Postuar: 20/07/2019 - 14:55

Kreu i LDE-së Arian Galdini ka reaguar lidhur me dorëheqjen e Ramush Haradinajt nga posti i Kryem

Postuar: 20/07/2019 - 14:51

Pas aktit të dorëheqjes së parevokueshme të Ramush Haradinaj si kryeministër i Kosovës, ka ardhur

Postuar: 20/07/2019 - 14:50

Shkarkimi i Presidentit Ilir Meta duket se nuk do të jetë një proces aspak i lehtë për mazhorancë

Postuar: 20/07/2019 - 14:37

Partia Demokratike denoncon kryeministrin Edi Rama se në Samitin e Poznanit për Ballkanin Perëndi