“Koalicionit ‘Bravo-Brava’ do i lexoj poezinë ‘Ina-Ina’”/ Nuk përmbahet Ilir Meta, paralajmëron publikisht Ramën dhe Bashën: Të bëhen gati se...

Presidenti i Republikës Ilir Meta theksoi sot gjatë një konference për mediat se aleati i tij i vetëm është populli i 2 marsit.

Meta iu përgjigj sot akuzave të kryeministrit Edi Rama se në këto zgjedhje të pjesshme lokale, ai dhe Berisha do të futen bashkë në koalicion.

“Meqë duan të më përfshijë me pahir po i paralajmëroj qetësisht, se janë mërzitur dhe nga poezitë e mira. Unë do të marr pjesë në garë në emër të popullit të 2 Marsit dhe përtej popullit të 2 marsit në kuptimin e mirë të fjalës. Të bëhen gati se pas ballafaqimit të parë që do jetë më e largëta 1 vit, koalicionit ‘Bravo-Brava’ që ka 8 vite që qeveris Shqipërinë, do ti recitoj poezinë që e ka bërë vetë shefi i koalicionit, atë ‘Ina-Ina’, por pas zgjedhjeve meqë u mërzitën ata me këto poezitë për Skënderbeun dhe Korçën”, u shpreh Meta.

“Poezinë e shefit të koalicionit Bravo-Brava’ do e dëgjojnë nga unë por kurrsesi në këtë institucion. Për ‘Ina-Inën’ do e dëgjojnë brenda një viti në rastin më të mirë”, shtoi Meta.