Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kokëdhima i përgjigjet ashpër Tahirit: Njeri me vese, i përdorur për punë të pista në PS

Postuar: 13/09/2017 - 14:27

Kryetari i partisë ZGJIDHJA, Koço Kokëdhima, ka reaguar ashpër pas fjales se mbajtur nga ish-ministri i Brendshëm, Saimir Tahiri dje ne Kuvend, i cili e akuzoi si frymëzues për kanabizimin e vendit.

Në një reagim në profilin e tij në Facebook, Kokëdhima krahasoi propozimin e tij të bërë publikisht për ekonominë e kanabisit të kontrolluar nga shteti dhe ekonominë mafioze që bëri Rama, Tahiri, drejtorët e policisë dhe bota e krimit në vitin 2016, që e shndërruan vendin në parajsë të kanabisit në Europë dhe në të vetmin vend të botës, ku qeveria drejtonte trafikun e drogës.

Kokëdhima pranoi se kishte qenë kundër emërimit të Tahirit si ministër, 4 vite më parë, sepse ai ishte një individ me vese dhe që është përdorur për punë të pista në zgjedhje dhe brenda PS-së.

Reagimi i Kokëdhimes

Saimir Tahiri, ish-ministër i Brendshëm, më cilësoi mua, dje në parlament, si frymëzues të kanabizimit të Shqipërisë gjatë mandatit të parë të qeverisë Rama&CO. Në nëntor 2014, publikisht, në sallën e Kuvendit të Shqipërisë, përballë anëtarëve të Komisionit të Ekonomisë dhe të mediave, prezantova projektin tim për legalizimin e kanabisit medikal, për ta kthyer atë në ekonomi formale, të mbikqyrur nga shteti dhe për të lehtësuar dënimet ndaj përdoruesve në Kodin Penal. Asgjë më tepër nga çfarë bënë Kroacia, Greqia, Maqedonia, Italia, Franca, Gjermania, Anglia dhe Amerika. Ekonominë shtetërore të kanabisit do ta mbikqyrnin organet ligjzbatuese, të cilat do të licensonin e kontrollonin fermerët, dhe nga kjo sipërmarrje e kontrolluar do të përfitonin shqiptarët dhe buxheti i shtetit.

Rama tha se ishte e parakohshme idea ime. Por e gjeti në kohë, që pas shfarosjes së Lazaratit, ku i mori jetën edhe një oficeri policie, ta bënte Lazarat gjithë Shqipërinë. Asgjë nuk u bë publike dhe ky plan ogurzi kishte në krye të piramidës mafioze kanabiste Ramën, Tahirin, drejtorët e policisë nëpër qarqe dhe botën e krimit të cilës iu premtua ruajtja shtetërore dhe lehtësitë për ta trafikuar brenda dhe jashtë, në këmbim të 30 për qind të prodhimit dhe pagesave të tjera nën dorë që i përfitoi Shtabi i Tahirit në Ministrinë e Punëve të Brendshme.

Tahiri nuk gabon kur thotë: “Qeveria e kaluar e krijoi një standard për kanabisin”. Po. Ai ishte standardi i piramidës mafioze qeveri-krim, një skemë që nuk ka ndodhur askund tjetër deri më sot.

Idenë time për legalizimin e kanabisit për qëllime mjekësore dhe për lehtësimin e dënimeve në Kodin Penal për përdoruesit e kam trumpetuar dhe do ta trumpetoj kudo dhe me këdo. Në prill 2015, vizitova në Spitalin e Burgjeve, Mihal Llazarin, 21-vjeçarin e burgosur e të sëmurë, që ishte dënuar si përdorues kanabisi. Një muaj më pas ai u lirua dhe u bashkua me familjen për të nisur një jetë të re. Më vjen shumë keq, që përpara një muaji policia e shtetit e arrestoi përsëri Mihalin me 10 gram hashash dhe e ktheu në burg këtë djalë fatkeq, si qindra e mijëra të rinj të tjerë që vuajnë dënime çnjerëzore për një cigare hashash. Mihal Llazari duhet të lirohet e të shkojë në shtëpi. Në vend të tij dhe të gjithë djemve dhe vajzave që janë në burgje si përdorues, duhet të futet grupi i strukturuar kriminal i policisë së shtetit me gjithë Saimir Tahirin, që e organizoi me urdhër të Ramës për të drejtuar prodhimin kombëtar të kartelit të marijuanës!

Rama&CO e fitoi betejën, siç thotë Tahiri, duke rrëzuar shtetin ligjor dhe duke vënë në jetë projektin famëkeq që kanabizoi mbarë vendin. Kjo ishte fitorja e krimit shtetëror, që e detyroi BE-në një javë më parë të shtonte një kusht tjetër, për hapjen e negociatave: luftën kundër kanabisit. Fitorja e përkohshme e projektit të Ramës e Tahirit mbi projektin tim, është fitore e botës së krimit të organizuar dhe humbje për Shqipërinë.

Tahiri nuk meritonte kurrë që të përfshihej në punët e shtetit dhe të qeverisë. Duke e njohur jetëshkrimin dhe formimin e tij plot vese unë u përpoqa ta ndaloja emërimin e tij si ministër i brendshëm, 4 vite më parë. Ai ka bërë punë të ulëta dhe gjëra të këqia për nevojat e larta të lidershipit, është përdorur për sa e sa vepra të errëta, vjedhje e manipulime votash, flirte e blerje zgjedhjesh me botën e krimit dhe të drogës, për kurthe, intriga dhe luftëra pas shpine ndaj kolegëve në parti.

ZGJIDHJA ka një projekt të mençur, realist, përfitues dhe njerëzor për t’ia hequr mafies nga thonjtë ekonominë e kanabisit dhe për ta kthyer atë në shërbim të vendit e të njerëzve dhe për ta pastruar shtetin dhe qeverinë nga kapja dhe ndikimet e njerëzve të lidhur me botën e krimit, nga paratë e krimit dhe të korrupsionit.

/Agjensia e Lajmeve Sot News/

Na Beni Like Ne Facebook: 
Total votes: 3

Lajme nga e njejta kategori

Postuar: 24/09/2017 - 09:14

Ushtarakët kërkojnë që Gjykata Kushtetuese të rrëzojë vendimin e Gjykatës së Lartë sa i takon pensioneve për këtë kategori. Dy ditë më parë, Kushtetuesja vendosi që më datën 10 tetor të mbajë seancën e parë mbi ankimin që i është bërë vendimit të Gjykatës së Lartë.

Postuar: 24/09/2017 - 09:12

Ish-të përndjekurit politikë pas një kohe relativisht të gjatë i janë rikthyer përsëri grevave të urisë.

Postuar: 24/09/2017 - 09:07

Raportuesi për Shqipërinë në Parlamentin Europian, Knut Flekenshtajn, ka zbardhur qëllimin e vizitës së tij, zhvilluar pak ditë më parë në Tiranë.

Postuar: 24/09/2017 - 09:03

Kryeministri Edi Rama ditën e djeshme zhvilloi një takim në selinë e Kombeve të Bashkuara në New York me Sekretarin e Përgjithshëm të OKB, Antonio Guterres.

Postuar: 24/09/2017 - 09:00

Kreu i Partisë Demokratike, Lulzim Basha, ka mbledhur krerët e degëve në Tiranë, me të cilët ka diskutuar në lidhje me analizën e humbjes dhe ristrukturimit të partisë.

Postuar: 24/09/2017 - 08:57

Gent Malko, anëtar i kryesisë i së Partisë Demokratike, një prej zërave kritikë të Lulzim Bashës, ka deklaruar se kjo forcë duhet të ringrihet duke fituar besimin e elektoratit

Postuar: 24/09/2017 - 08:55

Partitë e vogla kanë sfiduar PD-PS-LSI sa i takon reformës zgjedhore. Këto forca kanë nisur punën duke mënjanur aleatë e vegjël, por kjo nuk është pranuar prej tyre.