Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Komisioneri Publik ankimon vendimin për gjyqtaren Nertina Kosova: Hetimi i KPK nuk është i plotë

Postuar: 25/09/2018 - 08:41

Komisioneri Publik kreu ditën e djeshme lëvizjen e radhës duke ankimuar vendimin e Komisionit të Pavarur të Kualifikimit për gjyqtaren e Apelit për Krimet e Rënda, Nertina Kosova. Në datën 17 korrik KPK vendosi të rikonfirmojë në detyrë gjyqtaren, por për Komisionerin Publik ky vendim nuk është i drejtë, duke kërkuar kështu shkarkimin e saj. Sipas hetimit të KPK, Nertina Kosova nuk kishte probleme me pasurinë, ishte e aftë profesionalisht dhe nuk kishte lidhje me persona të inkriminuar, mirëpo Komisioneri Publik mendon se hetimi i Komisionit të Pavarur të Kualifikimit nuk është i plotë.

“Komisioneri Publik, brenda afatit ligjor, ka ushtruar ankim në Kolegjin e Posaçëm të Apelimit pranë Gjykatës Kushtetuese, kundër vendimit nr. 43, datë 18.07.2018, të Komisionit të Pavarur të Kualifikimit, për subjektin e rivlerësimit znj. Nertina Kosova, magjistrat/gjyqtare në Gjykatën e Apelit për Krime të Rënda, kandidate për anëtare të Këshillit të Lartë Gjyqësor. Në vlerësimin e Komisionerit Publik, në rastin konkret, hetimi i Komisionit të Pavarur të Kualifikimit nuk është i plotë. Për rrjedhojë, faktet dhe provat e administruara në përfundim të këtij hetimi administrativ janë të pamjaftueshme për të mbështetur vendimin e Komisionit të Pavarur të Kualifikimit për konfirmimin në detyrë të subjektit të rivlerësimit, referuar pikës 1, të nenit 59, të ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë””, thuhet në njoftimin për shtyp të Komisionerit Publik.

Bazuar tek pretendimi se hetimi është i paplotë, Komisioneri Publik i kërkon Kolegjit të Posaçëm të Apelimit që të vëzhgojë me kujdes mangësitë në hetimin e KPK dhe t’i rregullojë ato. “Bazuar në përmbajtjen e pikës 3, të nenit F, të aneksit të Kushtetutës së Republikës së Shqipërisë, Komisioneri Publik, nëpërmjet këtij ankimi, kërkon nga Kolegji i Posaçëm i Apelimit që këto mangësi të hetimit administrativ, të kryer nga Komisioni i Pavarur i Kualifikimit, të mund të riparohen nga Kolegji gjatë shqyrtimit të çështjes në seancë gjyqësore”, vijon më tej njoftimi.

 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/05/2019 - 11:04

Presidenti Ilir Meta paralajmëron anullimin e datës së zgjedhjeve. Përmes një deklarate zyrtare Presidenti bën me dije se do rishikojë dekretin e datës së zgjedhjeve që deri më tani ishte caktuar 30 qershori.

Postuar: 24/05/2019 - 10:57

Gent Ibrahimi, kreu i Këshillit të Lartë të Prokurorisë i pranishëm sot gjatë takimit prezantues

Postuar: 24/05/2019 - 10:57

Drejtoresha për Ballkanin Perëndimor në Komisionin Europian dhe njëkohësisht shefe e Operacionit

Postuar: 24/05/2019 - 10:51

Ministrja e Drejtësisë, Etilda Gjonaj tha se reforma në drejtësi është në rrugën e saj të mbarë d

Postuar: 24/05/2019 - 10:46

Ish-deputet i PD, Edi Paloka ka komentuar letrën e tretë të kryeministrit Edi Rama drejtuar kryed

Postuar: 24/05/2019 - 10:38

Kryetari i KQZ-së, Klement Zguri u shpreh se janë hedhur hapa përpara dhe se këto zgjedhje do të

Postuar: 24/05/2019 - 10:26

Alfred Peza, Sekretar për Mediat në Partinë Socialiste dhe ish deputet, është i bindur se zgjedhj