Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Komisioni i Medias seancë dëgjimore me grupet e interesit, miratohet në parim buxheti për arsimin

Postuar: 15/11/2017 - 08:15

Komisioni për Edukimin dhe Mjetet e Informimit Publik, zhvilloi dje një seancë dëgjimore për buxhetin e vitit 2018, me Federatën e Sindikatave të Arsimit dhe Shkencës të Shqipërisë, Akademinë e Studimeve Albanologjike dhe Agjencinë Telegrafike Shqiptare.Fillimisht fjalën e mori kryetari i Federatës së Sindikatave të Arsimit, Arjan Dyrmishi, i cili u shpreh se ministria ka premtuar se rrogat do rriten me 40% gjatë këtij mandati, por sipas tyre, në projektbuxhetin e vitit 2018 do të kemi vetëm një rritje vjetore prej 5%. “Kërkojmë që vitin e ardhshëm të aplikohet sistemi i shpërblimit të mësuesve në përshtatje me frymën e legjislacionit të marrëdhënieve të punës dhe detyrimet kontraktuale e ligjore që ka qeveria dhe MASR, ndaj sindikatave nënshkruese të kontratave kolektive të nivelit të parë. Ky shpërblim të mos ngatërrohet me shpërblimin për performancë, por të jepet në fund të vitit shkollor”, tha ai. Por sa i takon shqetësimeve të ngritura nga përfaqësuesit e sindikatave, zëvendësministrja e Arsimit, Besa Shahini, tha se MASR, ka qenë gjithmonë e hapur për sindikatat. Ndërkohë mbledhja vijoi me prezantimin e buxhetit të Akademisë së Studimeve Albanologjike, ku Mareglen Verli, vuri në dukje pamjaftueshmërinë në buxhet të mjeteve financiare, çka rrezikon realizimin e projekteve dhe perspektivën e studimeve albanologjike. Ndërsa drejtor i Qendrës Kombëtare të Kinematografisë, Ilir Butka tha se programi buxhetor afatmesëm 2018-2020 nuk i përmbush nevojat më të domosdoshme të funksionimit dhe realizimit të objektivave të QKK. Nga ana tjetër, drejtoresha e Agjencisë Telegrafike Shqiptare, Armela Ymeri kërkoi një fond shtesë prej 5 milion lekë investime, për dixhitalizimin e buletineve. Në përfundim, kryetarja e komisionit, Albana Vokshi tha se duke marrë shkas dhe nga ngjarjet e fundit, PD shprehet kundër këtij buxheti dhe në tërësi sepse ky është buxheti i pasurimit të oligarkëve. “I themi jo buxhetit, sepse ai nënfinancon arsimin”, tha ajo. Ndërsa, nënkryetarja e komisionit, Milva Konomi shprehu votën pro këtij buxheti. Konomi tha se ky është buxheti që ka rritje ekonomike dhe i shërben sektorëve të arsimit, kulturës, kërkimit shkencor dhe jep garanci për tu ardhur më pranë qytetarëve, për shërbimet që ato kanë nevojë. Komisioni për Edukimin dhe Mjetet e Informimit Publik miratoi në parim buxhetin e shtetit për vitin 2018.

/Agjensia e Lajmeve Sot News/

Na Beni Like Ne Facebook: 
Total votes: 27

Lajme nga e njejta kategori

Postuar: 18/06/2018 - 18:44

Pas qëndrimit të Kryeministrisë e cila nuk ishte dakort me vendimin që kishte marrë Bashkia e Hasit, e cila i akordoi titullin ‘Qytetar Nderi’ Gafur Mazrekut, i cili plagosi në 1997 Azem Hajdarin, vjen rea

Postuar: 18/06/2018 - 18:01

Riparimi i autostradës Tiranë-Durrës ka krijuar trafik, çka ka sjellë reagime të shumta si nga

Postuar: 18/06/2018 - 17:44

Në kuadër të programit “100 fshatrat”, Kryeministri Rama zhvilloi një takim ditën e s

Postuar: 18/06/2018 - 17:29

Një përgjigje negative nga Brukseli këtë fund qershori për negociatat e Shqipërisë me BE-në, për

Postuar: 18/06/2018 - 17:17

Kryeministri Edi Rama vijon replikat me qytetarët në Facebook për taksat dhe problemet që i shqet

Postuar: 18/06/2018 - 17:03

Pas vendimit të Këshillit Bashkiak Has, që shpalli qytetar nderi Gafurr Mazrekun, ka reaguar krye

Postuar: 18/06/2018 - 16:24

Këshilli Bashkiak i Hasit shpalli “Qytetar nderi”, Gafur Mazrekun, ish deputetin që